راولپنڈی: عوامی مسلم لیگ کے سربراہ شیخ رشید کا کہنا ہے کہ اسحاق ڈار تو کیا بل گیٹس کو بھی بلالیں ملک ان سے نہیں چل سکتا، فوری انتخابات کروالیں ورنہ کچھ بھی ہوسکتا ہے۔
تفصیلات کے مطابق عوامی مسلم لیگ کے سربراہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ سپریم کورٹ کا63اےکامحفوظ فیصلہ اہم ہوگا، 50روپے پٹرول پرلیوی بھی عنقریب لگے گی، اسحاق ڈار تو کیا بل گیٹس کو بھی بلالیں ملک ان سےنہیں چل سکتا۔
شیخ رشید کا کہنا تھا کہ اوورسیز کے ووٹوں کے لیے سپریم کورٹ جاؤں گا اور 2 تاریخ کولال حویلی سے پریڈ گراؤنڈ جاؤں گا، فوری انتخابات کروالیں ورنہ کچھ بھی ہوسکتا ہے۔
سپریم کورٹ کا 63۔Aکا محفوظ فیصلہ اہم ہوگا،50 روپے پٹرول پر لیوی بھی عنقریب لگے گی،اسحاق ڈار توکیا بل گیٹس کو بھی بلالیں ملک ان سے نہی چل سکتا،اوورسیز کے ووٹوں کے لیے سپریم کورٹ جاوں گا،2 تاریخ کو لال حویلی سے پریڈ گراونڈ جاوں گا۔فوری انتخابات کروالیں ورنہ کچھ بھی ہوسکتاہے
— Sheikh Rashid Ahmed (@ShkhRasheed) June 30, 2022
سابق وزیر داخلہ ایک اور ٹوئٹ میں کہا کہ روس سےتیل اورافغانستان سےکوئلہ نہیں منگوایاجارہا، حکمران عوام کو دھوکہ دے رہے ہیں اور خبردار کیا عنقریب گندم کا بحران بھی آنے والا ہے۔
ان کا کہنا تھا کہ جس حکومتی اتحادی نے الیکشن لڑنا ہے اسے حکومت کوچھوڑنا ہوگا کیونکہ حکومت کہیں نظر نہی آرہی اور اگر لوڈشیڈنگ اورمہنگائی ختم نہ ہوئی تولوگ سڑکوں پر ہوں گے۔
روس سے تیل اور افغانستان سے کوئلہ نہی منگوایا جارہا،حکمران عوام کو دھوکہ دے رہے ہیں،عنقریب گندم کا بحران بھی آنے والا ہے،جس حکومتی اتحادی نے الیکشن لڑنا ہے اسے حکومت کو چھوڑنا ہوگا کیونکہ حکومت کہیں نظر نہی آرہی،اگر لوڈشیڈنگ اور مہنگائی ختم نہ ہوئی تولوگ خودبخود سڑکوں پر ہوں گے
— Sheikh Rashid Ahmed (@ShkhRasheed) June 30, 2022
شیخ رشید نے کہا کہ کراچی،سکھر،حیدرآباد کی قیادت پی پی کبھی ایم کیو ایم کونہیں دے گی، چیف الیکشن کمیشن کو ہائی کورٹ کے فیصلے کے بعد پی ٹی آئی کی 5 مخصوص نشستیں دینے پر دیر نہیں کرنی چاہیے، آج پنجاب ہائی کورٹ کا فیصلہ بھی آسکتا ہے۔
راناثنااللہ اور خرم دستگیر نئے آرمی چیف کی تعیناتی پر مشاورت کا بیان کس حیثیت میں دےرہے ہیں۔کراچی،سکھر،حیدرآباد کی قیادت PPP کبھی MQM کو نہی دے گی۔چیف الیکشن کمیشن کو ہائی کورٹ کے فیصلے کے بعد PTIکی 5 مخصوص نشستیں دینے پر دیر نہی کرنی چاہیے۔آج پنجاب ہائی کورٹ کا فیصلہ بھی آسکتاہے
— Sheikh Rashid Ahmed (@ShkhRasheed) June 30, 2022