The news is by your side.

Advertisement

عمران خان کسی کومعاف نہیں کریں گے ، شیخ رشید

عمران خان ٹرمپ سےملنےجارہےہیں اللہ خیرکرےمزاج ایک جیساہے

لاہور : وزیرریلوے شیخ رشید نے کہا پاکستان کی سیاست میں نوے دن انتہائی اہم ہیں جوجتنازیادہ چیخ رہا ہےاس کے دن قریب ہیں ،عمران خان کسی کومعاف نہیں کریں گے ۔

تفصیلات کے مطابق وزیرریلوے شیخ رشید نے پریس کانفرنس کرتے ہوئے کہا ریلوےکاایک بہت بڑا نیٹ ورک ہے، واقعات سےمتعلق تمام ڈی ایس ایس افسران کو کہا رپورٹ کریں ، 10 بلین کاٹارگٹ زیادہ حاصل کیاہے، میانوالی ایکسپریس لاہور سے 19جولائی کو چلانے جا رہے ہیں۔

278وزیرریلوے کا کہنا تھا کہ 278 ویگنز اکٹھی کیں، 178کو ڈیمولش کردیں گے، 136 مسافر ٹرینیں اور55 فریٹ ٹرینیں لائن پر ہیں اور 10 اے سی کوچز کو اسٹینڈ بائی کرنے کا فیصلہ کیا ہے، ہم نے لاہور میں ویٹنگ روم کی سہولتیں دی ہیں، 1122 سیفٹی لیول کا پروجیکٹ بھی لانے کا فیصلہ کیا ہے۔

شیخ رشید نے کہا سب سے زیادہ اچھی کارکردگی ریلوے کی ہے، 10 سالوں سے انفرااسٹرکچر پر پیسے نہیں خرچ کیےگئے آج تک ریلوے میں سنگل ٹینڈر ہوئے، تحقیق کے بعد یہ ٹرینیں چلی ہیں، ایم ایل 2 اور 3 ،4 پر بھی کام شروع کر دیاگیا ہے، ٹریک ٹھیک کرنے جارہے ہیں، ٹریک کے علاوہ کوئی حل نہیں۔

عمران خان ٹرمپ سے ملنے جارہے ہیں، اللہ خیر کرے

ارشد ملک کے حلفی بیان کے حوالے سے ان کا کہنا تھا ناصربٹ،ناصرجنجوعہ یہ لوگ کبھی بھی حلفیہ بیان نہیں دیں گے، والدہ کا انتقال ہو گیا مجھے تو کسی نے پروڈکشن آرڈر پر نہیں بلایا، آج ملک میں بہترین ججز کام کر رہے ہیں، آج ملک میں ایسے جج ہیں جوجمہوریت بھی آگے لے کر جائیں گے۔

وزیراعظم عمران خان اور امریکی صدر ٹرمپ کی ملاقات سے متعلق وزیر ریلوے نے کہا عمران خان ٹرمپ سے ملنے جارہے ہیں، اللہ خیر کرے، مزاج ایک جیسا ہے۔

دنیا کی سیاست میں ویڈیو کی سیاست ختم ہوچکی ہے

شیخ رشید کا کہنا تھا جولوگ ملک کاخزانہ لوٹ گئے ان کی نیندیں حرام ہیں، وہ زمانہ ختم ہوگیا جو لوگ ویڈیو پر ذہن بناتےتھے، آج دنیا کی سیاست میں ویڈیو کی سیاست ختم ہوچکی ہے، فیصلہ معطل ہوا تو بری ہونے والے کیس میں بھی سزا ہوجائےگی۔

انھوں نے مزید کہا کہ نواز شریف لوگوں کے پاس ڈیل نہیں اورنہ ہی یہ منی ٹریل بتاسکتے ہیں، ان کی سیاست صرف یہ ہے ہمیں باہر جانے دیں،  واحد سیاست  دان ہو، جس نے عمران خان کو مشورہ دیا انہیں جانے دیں، ایک ملک کے بادشاہ نےعمران خان کوکہاان کوجانےدیں، عمران خان نے جواب میں کہا کسی  صورت جانےنہیں دوں گا۔

چور مچائے شورکی کہانی90 دن میں انجام کو پہنچ جائے گی ، جوجتنازیادہ چیخ رہا ہےاس کے دن قریب ہیں

وفاقی وزیر کا کہنا تھا کوئی یہ سمجھ رہا عدلیہ اور فوج کو الزام دے کر یہ ٹارزن بننےجارہےہیں، یہ ذہن میں ڈال لیں اداروں کوالزام دے کر یہ ٹک ٹکی پر لٹکنے  جارہے ہیں، پاکستان کی سیاست میں90 دن اہم ہیں،جو چیخ رہے ہیں ان کیس تیار ہیں، جو جتنا زیادہ چیخ رہا ہے، اس کا کیس بڑا اور کندھے پر لٹک رہاہے۔

شیخ رشید نے کہا چیئرمین سینیٹ کیلئے انتخاب دلچسپ ہوگا،سنجرانی کو جیتتا ہوا دیکھ رہا ہوں، چور مچائے شورکی کہانی90 دن میں انجام کو پہنچ جائے گی، عدلیہ کوپاکستان کی جمہوریت کاضامن سمجھتا ہوں۔

شہباز شریف کو حمزہ اور مریم نواز کو نوازشریف عزیز ہے

ان کا کہنا تھا کہ شالیمار کا کیس بھیج دیا ہے،ایک کمیٹی بھی بنادی ہے، رائل پام کا معاملہ بھی حل ہونے کے قریب ہے، جو شخص ریلوے کا لوٹاگیا پیسہ  واپس کرنے کو تیار ہے، ہم بات کیلئے تیار ہیں۔

شیخ رشیداحمد نے کہا حالات تیزی سے بڑی عجیب جانب جارہےہیں، ن لیگ میں بھی دوگروپ بننے جارہے ہیں، ایک جیم والا دوسرا جوڈو کراٹے والاگروپ ہے ، شہباز شریف وکٹ کی دونوں طرف کھیل رہاہے، شہباز شریف کو حمزہ اور مریم نواز کو نوازشریف عزیز ہے۔

دونوں خاندان نہیں بچ سکیں گے

وزیر ریلوے کا کہنا تھا عدلیہ کیخلاف جوانہوں نےکیس اٹھایا اس میں انہیں سزا ہوجائےگی، یہ لوگ اللہ کی پکڑ میں آئے ہیں،یہ دونوں خاندان نہیں بچ سکیں گے، عمران خان کسی کومعاف نہیں کریں گے، پھر کہتاہوں اپوزیشن کے رکن کو7سال قید ہوتی ہے تو حکومتی رکن کو 14 سال ہونی چاہیے۔

Comments

comments

یہ بھی پڑھیں