The news is by your side.

Advertisement

بھارت سے مذاکرات کے تمام راستے بند،اب صرف کشمیر ہےاور کشمیری ہیں،شیخ رشید

مریم نواز نے سارے خاندان کی سیاست کوتباہ کردیا ہے

لاہور : وفاقی وزیر ریلوے  شیخ رشید نے کہا ساری مصیبت مریم بی بی نےاپنےسرمول لی ہے، سارے خاندان کی سیاست کوتباہ کردیا ہے ، بھارت سے تمام معاہدے ختم ، قوم عمران خان کی طرف دیکھ رہی ہے ، اب صرف کشمیر ہےاور کشمیری ہیں۔

تفصیلات کے مطابق وفاقی وزیر ریلوے شیخ رشید نے پریس کانفرنس کرتے ہوئے کہا وزیراعظم نے مسئلہ کشمیر کا کیس بھرپور طریقے سے لڑا ہے، نریندر مودی نے فاشزم کی بدترین مثالیں قائم کی ہیں۔

شیخ رشید کا کہنا تھا کہ بیوروکریسی کی وجہ سےکام کرنےمیں مشکلات ہورہی ہیں، یہ سب نواز شریف اور شہباز شریف کے لیے کام کرتے رہے ہیں، میں نے وزیراعظم کو صورتحال سے آگاہ کردیاہے۔

نریندرمودی نےفاشزم کی بدترین مثالیں قائم کی ہیں

وزیر ریلوے نے کہا ہم عمران خان کی قیادت میں ریلوے کو ٹھیک کررہے ہیں، لوکوموٹیو کے معاملات کوٹھیک کررہےہیں، ہم نے 32 نئی ٹرینیں چلائی ہیں،سہرا ریلوے ملازمین کے سر ہے، میرے پاس نہ ایک کوچ اورنہ فریٹ ٹرین فارغ ہے۔

ان کا کہنا تھا کہ معذور افراد کی سہولت کے لیے لاہور سے کام شروع کر دیا ہے، معذور افراد کے لیے اسٹیشن پرالگ جگہ اور واش روم بنارہے ہیں، ستمبر کے دوسرے ہفتے میں وزیراعظم کمانڈاینڈکنٹرول سینٹر کا آغاز کریں گے۔

شیخ رشید نے کہا گوروناناک کی سالگرہ پر میرے خیال ہے، 17بوگیوں کی ٹرین چلائی جاسکتی ہے، کشمیری صرف کشمیرکی طرف دیکھ رہے ہیں، آج کشمیر کے ساتھ چین بھی کھڑاہے، اچھی بات ہے کہ ٹرمپ کی رائے اچھی ہورہی ہے۔

مودی نے بہت بڑی غلطی کی ہے، اس نے خود کو پھنسالیا ہے

وفاقی وزیر کا کہنا تھا کہ بھارت سے مذاکرات کے تمام راستے بند ہوچکے ہیں، اب صرف کشمیر ہے اور کشمیری ہیں، کشمیریوں کےساتھ کھڑے ہونے والے ممالک کا شکرگزار ہوں، اپنے وطن کے لیے جان دینے والوں کو کوئی شکست نہیں دے سکتا۔

وزیراعظم عمران خان 5سال پورےکریں گے

انھوں نے مزید کہا مودی نے بہت بڑی غلطی کی ہے، اس نے خود کو پھنسالیا ہے، مودی نے پوری دنیامیں سیکولر بھارت کو داغ لگا دیا ہے، بھارت سےتمام معاہدےختم،قوم عمران خان کی طرف دیکھ رہی ہے ، وزیراعظم عمران خان 5سال پورےکریں گے۔

شہبازشریف پھنس گیاہےنہ اپناخون بچاسکےگانہ اپنی سیاست

شیخ رشید کا کہنا تھا کہ مریم نوازنےسارےخاندان کی سیاست کوتباہ کردیاہے، شہبازشریف پھنس گیاہےنہ اپناخون بچاسکےگانہ اپنی سیاست، مریم نواز نے جو ویڈیودکھائی وہ ان کومروائےگی۔

Comments

comments

یہ بھی پڑھیں