site
stats
پاکستان

نااہل شخص نے ٹھان لی اداروں سے ہر صورت تصادم کریں گے،شیخ رشید

لاہور : عوامی مسلم لیگ کے سربراہ شیخ رشید کا کہنا ہے کہ نااہل شخص نے ٹھان لی اداروں سے ہر صورت تصادم کریں گے، ریفرنس عدالت پرحملہ ہے، نوازشریف این آراو چاہتے ہیں یہ لوگ نیب میں پیش نہیں ہوں گے۔

تفصیلات کے مطابق عوامی مسلم لیگ کے سربراہ شیخ رشید نے پریس کانفرنس کرتے ہوئے کہا کہ نااہل شخص نےدست راست اسپیکر کے ذریعے محاذ آرائی شروع کردی ہے، نااہل شخص نے ٹھان لی اداروں سے ہر صورت تصادم کریں گے، جسٹس کھوسہ20کروڑعوام کےترجمان ہیں۔

نواز شریف کو مخاطب کرتے ہوئے شیخ رشید نے کہا کہ آپ جوکھیل کھیلنےجارہےہیں اس کی بنیادی وجہ آپ کےپاس جواب نہیں، عدالت میں کوئی جواب نہیں دیا،آپ ریفرنسز پر بھی جواب نہیں دینگے، عابدشیر،راناثنااللہ جیسے گینگ آف فائیو لوگ آپ کو گڑھے میں لے جارہےہیں، یہ لوگ چاہتےہیں عدالتی بینچ ٹوٹ جائے،تاخیری حربے استعمال کر رہے ہیں۔

عوامی مسلم لیگ کے سربراہ کا کہنا تھا کہ حدیبیہ پیپرز کا کیس ان کے سیاسی تابوت پر آخری کیل ثابت ہوگا، نیب حکام نے کہا تھا7دن میں ریفرنس سےمتعلق عدالت میں آگاہ کریں گے، اس سے زیادہ اور کیا رعایت ہوسکتی ہے عدالت چل کرلاہورگئی ہے، لاہور اس لیے گئے تاکہ یہ بہانے نہ بنائیں کہ جہاز خراب ہوگیا، یہ لوگ پھر بھی نیب میں پیش نہیں ہوئے، یہ لوگ چاہتے ہیں این آر او ہو جائے کوئی ملکی یا غیر ملکی معاہدہ کرادے۔

انھوں نے کہا کہ یہ طیب اردوان بننے کی کوشش کر رہے ہیں، جس کا شدید خطرہ ہے، نوازشریف کو اب سمجھ آگئی ہوگی کہ انہیں کیوں بلایاتھا، انقلابی بننے کے دعوے کررہے ہیں،خداکرے یہ انقلابی بن جائیں، انقلابی بننے کی ابتدا یہ اپنے گھر سے کریں اور اربوں پاکستان لائیں۔

شیخ رشید کا کہنا تھا کہ سعدرفیق والیم 10دیکھ سکتے ہیں تو میرا بھی حق ہے، غلطی ہوگئی میں بھی جے آئی ٹی کے والیم10کا مطالبہ کرتا، والیم10کے ساتھ ساتھ ڈان لیکس رپورٹ کا بھی مطالبہ کرتاہوں، ڈان لیکس پر پرویز رشید اب ٹارزن بننے کی کوشش کررہےہیں، یہ وہ جمہوریت ہے،جس کیلئے پرویزرشید نے قربانی دی جسے خود نہیں مانتے۔

سربراہ عوامی مسلم لیگ نے کہا کہ قوم پوچھتی ہے19کیسز کو 17سال سے ہوا نہیں لگنے دی گئی کیوں؟ یہ لڑائی کے موڈ میں ہیں، میرا ریفرنس تیار ہے، ایک خط کیلئے انتظار کررہا ہوں، 15 15 سال کے معاہدے کہا گیا اسمبلی میں لائیں گے نہیں لائے، خود شاہد خاقان سے رابطہ کیا، چیلنج بھی کیا، کمیشن کھانے والے قوم کا بھی خیال کرتےہیں۔

انکا کہنا تھا کہ تین تین چارچارسال کے معاہدے ہوتے ہیں یہاں15،15سال کےمعاہدے کیے گئے، 69 ریل کے ناکارہ انجنوں پر ایک کمپنی کو بین کیا گیا، اسی کمپنی کو نندی پورمیں کنٹریکٹ دیا گیا۔

شیخ رشید نے کہا کہ چیئرمین نیب کوخط لکھ دیا ہے، چیئرمین نیب کو7دن کانوٹس بھجوایا ہے، مہنگی ترین سی این جی اورایل این جی لےرہےہیں، خواہش ہے نوازشریف فہم و فراصت سے کام لیں، یہ بلا نوازشریف اور اس کے خاندان کو اجاڑ دے گی، پاکستان میں کوئی بھی حادثہ ہوسکتا ہے، ملک میں غیراعلانیہ جنگ ہے، پاکستان میں عبدالصمد جیسےلوگ ہیں، اس جنازے کے ساتھ جو بھی جائے گا، اپنا سیاسی مردہ خراب کریگا۔

انکا کہنا ہے کہ آصف زرداری سمجھداری کا مظاہر کیا ہے، کوئی این آراو نہیں ہورہا ہے،ان کی خواہشیں بے کار جائیں گی، نیب سے درخواست سے پیش نہیں ہوتے تو یکطرفہ کارروائی کریں۔

عوامی مسلم لیگ کے سربراہ نے کہا کہ نوازشریف این آراو چاہتے ہیں، نیب کے سامنے پیش نہیں ہوں گے، ان کوملک سے بھاگنے کے طریقے اچھی طرح آتے ہیں، ایل این جی معاہدوں میں 200ارب کی کرپشن ہے ریفرنس تیارکرلیا، کسی قیمت پر کوئی این آر او نہیں ہوگا، ملتان ٹرمیل کا چین میں ٹرائل چل رہا ہے، کمیشن اور کک بیکس کے تو ان لوگوں نے ریکارڈ رکھ دیئے ہیں، گھر میں اپنے ہی گھر والوں کو للکار رہے ہیں، اس سے بڑا مذاق نہیں۔

انھوں نے کہا کہ نا اہل شخص کی وجہ سے ملک کے حالات خراب ہوسکتے ہیں، کبھی نہیں کہا نیب مرچکا ہے، نواز شریف پیرا شوٹ سے جی ایچ کیو کے گیٹ پر اترا ہے، والیم10آج نہیں تو کل منظرعام پر آہی جائے گا، نوازشریف نے اداروں سے ٹکراؤ کا فیصلہ کرلیا ہے۔

شیخ رشید کا کہنا تھا کہ نوازشریف کی گردن میں سریا نہیں ٹوٹا، یہ لوگ دباؤڈالنےمیں کامیاب نہیں ہوئے، 62 63 کاحامی ہوں،سیاستدانوں کیلئے کوئی زہرقاتل نہیں، یہ لوگ ایسا شخص ڈھونڈتے ہیں، جو شناخت پریڈ میں بھی نظر نہیں آتا، سگار کے ہر جانے کا دعویٰ کرتے تو میں ایک عدد سگار دے بھی دیتا، 10 ارب ہرجانےکا دعویٰ کیا ہے، میرے پاس کہاں ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top