جی حضوری کرنے والا ٹولہ اپنے انجام کو پہنچا، شیخ رشید
The news is by your side.

Advertisement

جی حضوری کرنے والا ٹولہ اپنے انجام کو پہنچا، شیخ رشید

لاہور : عوامی مسلم لیگ کے سربراہ شیخ رشید کا کہنا ہے جی حضوری کرنے والا ٹولہ اپنے انجام کوپہنچا، آج عدالت کے فیصلے کے بعد سب لوگ احتیاط برتیں گے۔

تفصیلات کے مطابق عوامی مسلم لیگ کے سربراہ شیخ رشید نے توہین عدالت کیس میں ن لیگی رہنما طلال چوہدری کی نااہلی پر ردعمل کا اظہار کرتے ہوئے کہا کہ جی حضوری کرنے والا ٹولہ انجام کو پہنچا،ان لوگوں کو وزارتیں گالیاں دینے پر ملیں ، آج عدالت کے فیصلے کے بعد سب لوگ احتیاط برتیں گے۔

شیخ رشید کا کہنا تھا کہ نوازشریف جن لوگوں کو رکھا ان میں کوئی بات نہیں ، ان لوگوں کی کوئی قابلیت نہیں ہے، یہ سزا کو بھی اعزاز سمجھیں ،جس میں جتنا ظرف ہو اتنی بات کرتا ہے۔


مزید پڑھیں : توہین عدالت کیس: طلال چوہدری 5 سال کے لیے نا اہل قرار


یاد رہے کہ سپریم کورٹ نے توہین عدالت کا جرم ثابت ہونے پر لیگی رہنما طلال چوہدری کو ایک لاکھ جرمانے اور پانچ سال کیلئےنااہل قراردے دیا۔

مسلم لیگ ن کے رہنما نے جڑانوالہ کے جلسے میں عدلیہ کے خلاف توہین آمیز زبان استعمال کی تھی۔

سپریم کورٹ نے مسلم لیگ ن کے رہنما طلال چوہدری کی 24 اور 27 جنوری 2018 کی تقاریرمیں عدلیہ مخالف تقاریر پرنوٹس لیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں