The news is by your side.

Advertisement

ملک دشمن اپنے مقاصد کے لیے خانہ جنگی کرانے پر تلے ہیں، شیخ رشید

لاہور : وفاقی وزیر ریلوے شیخ رشید کا کہنا ہے کہ پی ڈی ایم انتشار کی سیاست کی طرف جارہی ہے، ملک میں کورونا کے پھیلاؤ اور دہشت گردی کا خدشہ ہے ، ملک دشمن اپنے مقاصد کے لیے خانہ جنگی کرانے پر تلے ہیں۔

تفصیلات کے مطابق وفاقی وزیر ریلوے شیخ رشید نے پریس کانفرنس کرتے ہوئے کہا پرائیوٹ پارٹی کرائے بڑھائے تو ٹرین واپس لےلیں گے، فریٹ کی 5 ٹرینیں پرائیوٹ سیکٹرکودی ہیں۔

وفاقی وزیر ریلوے کا کہنا تھا کہ اپوزیشن کوکہتاہوں کورونا اوردہشت گردی پھیلنے کا اندیشہ ہے ،ملک میں عدم استحکام کی کوشش اورفوج کیخلاف سازش ہورہی ہے اور ملک دشمن اپنے مقاصدکے لیے خانہ جنگی کرانے پر تلے ہیں۔

شیخ رشید نے کہا کہ کوئی سیاست دان نہیں جس نےایک سال بچوں کی جیل کاٹی ہو، ایسانہ ہوکہ آپ ٹانگوں میں سے ہاتھ ڈال کر کانوں کو ہاتھ لگائیں، نواز شریف کو باہر گئے ایک سال ہونے کو ہے، کوئی آپریشن نہیں ہوا، نوازشریف ڈاکٹرزاور عوام کو بےوقوف بناکرلندن بھاگے ہیں ، وہ اب وطن واپس نہیں آئیں گے۔

ان کا کہنا تھا کہ مولانافضل الرحمان مذہبی کارڈاستعمال کرنےجارہےہیں، ان کواندازہ نہیں ہےکہ اس کے کیا نتائج نکل سکتےہیں، وزیراعظم عمران خان نے اپوزیشن کو کل واضح پیغام دے دیا ہے ، پاکستان کی سالمیت اوربقا میں پاک فوج کا کردارکلیدی ہے، پاک فوج جمہوریت کے پیچھے کھڑی ہے۔

شیخ رشید نے کہا کہ پی ڈی ایم انتشار کی سیاست کی طرف جارہی ہے، مگر کسی کو قانون ہاتھ میں لینے کی اجازت نہیں دی جائے گی، ملک کی جمہوریت، معیشت اور استحکام فوج ہے اور پاک فوج کسی صورت ملک میں بدامنی پھیلانے کی اجازت نہیں دے گی۔

وفاقی وزیر ریلوے نے کہا کہ پیپلزپارٹی سندھ سے استعفیٰ دے کر کیا کرےگی، استعفےدیدیےتوآئندہ سندھ حکومت بھی نہیں ملےگی جبکہ فضل الرحمان کی 9 سیٹیں ہیں ان کی اپنی کوئی سیٹ نہیں، فضل الرحمان کامقصدسیاسی تحریک میں مدرسےکےطلباکوجھونکناہے،شیخ رشید

شیخ رشید نے مزید کہا کہ جلسہ جلوس ضرورکریں ،جلاؤ گھیراؤ کیا تو قانون حرکت میں آئےگا، عمران خان کولیگی قیادت کےخلاف بغاوت کےمقدمےکاعلم نہیں تھا ، کوئی بےگناہ ہے تو نکال دیا جائے گا۔

ان کا کہنا تھا کہ نواز شریف،زرداری اورمولانا فضل الرحمان کی سیاست ختم ہوچکی ہے ، مولانافضل الرحمان سے پہلے ہاتھ ہوا اب ہتھوڑ ہوگا۔

وفاقی وزیر نے مزید کہا 31دسمبرسے20فروری تک نتیجہ نکل آئےگا، اس کوپتاہےکہ مریم صاحبہ اورنوازشریف نااہل ہیں، وہ لمباگیم کھیل رہاہے، دہشت گردی تنظیمیں خانہ جنگی کرانےکیلئےکچھ بھی کرسکتی ہیں، پاکستان ایک بحران سےگزررہاہے، کوئی انٹرنیشنل ایجنڈے پر سوچ رہا ہے کہ فوج سوئی ہوئی ہے تو یہ بھول ہے۔

شیخ رشید کا کہنا تھا کہ مولانا مفتی نےسلیکٹڈ دھاندلی کی بات کی اس کےنتیجے پرنہیں بات کروں گا ، عمران نے اپوزیشن کو این آر او نہ دینے کا جواب دیدیاہے، جو فوج سے لڑ رہے ہیں وہ اپنی کارکردگی کاسوچیں ، ان کی داستان بھی نہیں ہوگی داستانوں میں۔

Comments

یہ بھی پڑھیں