راولپنڈی : عوامی مسلم لیگ کے سربراہ شیخ رشیداحمد نے کہا ہے کہ شوکت بسرا پر حملہ اور ہری پور میں وفاقی وزراء کی منفی اور نفرت آمیز تقاریر ملک کو خانہ جنگی کی طرف لے جا سکتی ہیں۔
سماجی رابطے کی ویب سائٹ ٹوئٹر پر اپنے ایک ویڈیو پیغام میں شیخ رشید نے کہا کہ بہاولنگر میں پیپلزپارٹی کے دھرنے میں شوکت بسرا پر حملہ اور ہری پور میں وفاقی وزراء کی تقاریر ملک کو خانہ جنگی کی طرف لے جا سکتی ہیں۔
— Sheikh Rashid Ahmad (@ShkhRasheed) February 6, 2017
انہوں نے کہا کہ بعض وزرا نے تمام اخلاقی ،سیاسی اور قانونی اقدار کو بالائے طاق رکھ کر پاناما لیکس پر آنے والے فیصلے کو وقت سے پہلے محسوس کرلیا ہے یہی وجہ ہے کہ یہ وزراء عدالتوں کو ڈرانے دھمکانے پر اتر آئے ہیں مگر یہ نہیں جانتے کہ جمہوریت انہیں عدالتوں اور ججوں کی مرہون منت ہے۔
شیخ رشید نے مزید کہا کہ کرپشن کا تابوت سپریم کورٹ سے ہی نکلے گا اور وہ دن دور نہیں جب کرپشن کے خلاف قانونی اور آئینی ہاتھ ڈالا جائے گا۔
واضح رہے کہ بہاولنگر میں مقامی ایم پی اے کے خلاف دھرنا دینے کے دوران کیمپ پر فائرنگ سے پاکستان پیپلز پارٹی پنجاب کے رہنما شوکت بسرا زخمی جب کہ ان کے پرسنل سیکرٹری جاں بحق ہو گئے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں