پاکستان کے مثبت امیج کے لیے میچ دیکھنے جا رہا ہوں، شیخ رشید sheikh-rasheed
The news is by your side.

Advertisement

پاکستان کے مثبت امیج کے لیے میچ دیکھنے جا رہا ہوں، شیخ رشید

لاہور : عوامی مسلم لیگ کے سربراہ شیخ رشید نے کہا ہے کہ صرف پاکستان کے لیے میچ دیکھنے جا رہا ہوں اور بلا خوف و خطر 500 روپے والے انکلوژر میں عام آدمی کے ساتھ بیٹھ کر میچ دیکھوں گا۔

یہ بات انہوں نے سماجی رابطے کی ویب سائیٹ ٹوئٹر میں تحریر کیے گئے اپنے پیغام میں کہی انہوں اپنے ویڈیو پیغام میں انتباہ کیا کہ مجھے کچھ ہوا تو اس کے ذمہ دار نواز شریف، شہباز شریف کے ساتھ ساتھ رانا ثناء اللہ بھی ہوں گے۔

شیخ رشید کا کہنا تھا کہ پشاور زلمی ہو یا کوئٹہ گلیڈی ایئٹر ہو دونوں میری ٹیمیں ہیں اور میں پاکستان کے لیے میچ دیکھنے جا رہا ہوں تا کہ دنیا کو ہمارے ملک کے حوالے سے مثبت پیغام جائے۔

انہوں نے کہا کہ جو لوگ بات بہ بات سیاست کرتے ہیں تو جو ان کا کام ہے وہ کریں جب کہ میرا مقصد صرف اپنے ملک میں ہونے والی مثبت سرگرمیاں کو سراہنا ہے ۔

قبل ازیں انہوں نے ایک بیان میں کہا تھا کہ پی ایس ایل فائنل کا لاہور میں انعقاد کے حوالے سے عمران خان کا اپنا نقطہ نظر ہے اور میرا اپنا نقطہ نظر ہے اس لیے میں پیچ دیکھنے ضرور جاؤں گا۔

Comments

comments

یہ بھی پڑھیں