site
stats
پاکستان

شہبازشریف نےنوازشریف سےزیادہ کرپشن کی،شیخ رشید

sheikh rasheed

لاہور: عوامی مسلم لیگ کے سربراہ شیخ رشید نے کہا ہے کہ ایل این جی میں بہت بڑی کرپشن ہے، شہباز شریف نے نواز شریف سے زیادہ کرپشن کی ہے۔

ان خیالات کا اظہار انہوں میڈیا سےگفتگو کرتے ہوئے کیا، شیخ رشید کا کہنا تھا کہ اگر سپریم کورٹ ایل این جی معاہدے کا اصل کنٹریکٹ نکال لے تو سب سامنے آجائے گا، حدیبیہ پیپر چوروں کی ماں جبکہ ایل این جی کیس نانی ہے۔

انہوں نے کہا کہ نواز شریف انٹرنیشنل پچ پر کھیل رہے ہیں، انہوں نے مودی اور کلبھوشن سے متعلق کچھ بھی نہیں کہا، نواز شریف جہاں جائیں گے کام خراب کریں گے، پنجاب میں پی ٹی آئی اور مسلم لیگ (ن) کا اصل مقابلہ ہوگا۔

شریف خاندان جیل نہ گیا تو میرا نام رانا ثنااللہ رکھ دینا، شیخ رشید

شیخ رشید کا کہنا تھا کہ عمران خان نے مجھے استعفیٰ دینے سے روک دیا، یقین تھا کہ پی ٹی آئی بھی استعفیٰ دے گی، سینیٹ کی نشستوں کےلیے ہر صوبے کا الگ ریٹ ہے، بلوچستان میں سینیٹ کی نشست کا ریٹ ایک ارب ہے۔

ان کا کہنا تھا کہ لگتا ہے رضا ربانی کو نواز شریف بھی سپورٹ کریں گے، پاک فوج جمہویت اور آئین کے ساتھ کھڑی ہے، جو شخص بھی قومی ادارے پر تنقیدکرے نواز شریف اس کےساتھ ہیں، طلال، ملال، دانیال، نہال سب ریلو کٹے ہیں۔

طاہرالقادری کے لاہور جلسے پر تبصرہ کرتے ہوئے شیخ رشید نے کہا کہ لاہور کا جلسہ ناکام تھا، لوگوں نے جلسے کو دل سے قبول نہیں کیا، کے پی الیکشن میں عمران خان کی پارٹی اچھا نتیجہ لائے گی، قوم مسلم لیگ (ن) کو اب مسترد کر چکی ہے۔

ناموس رسالت کے خلاف ووٹ دینے والی اسمبلی پرکروڑ بار لعنت بھیجتا ہوں، شیخ رشید

کراچی میں جاری حالیہ سیاسی صورت حال سے متعلق شیخ رشید کا کہنا تھا کہ ایم کیو ایم کا اصل گروپ تو پی ایس پی ہے، ایم کیو ایم اور پی ایس پی ایک ساتھ بیٹھ گئے تھے کسی نے معاملہ خراب کردیا، عام انتخابات میں مہاجر لائن اور لینتھ پر آجائیں گے۔

ان کا مزید کہنا تھا کہ پی ٹی آئی کراچی میں صحیح کام کرے تو فائدہ اٹھا سکتی ہے.


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top