The news is by your side.

Advertisement

نوازاور شہبازشریف کے بچوں میں اختلافات حل ہونے والے نہیں، شیخ رشید

راولپنڈی : سربراہ عوامی مسلم لیگ شیخ رشید نے کہا ہے کہ نوازشریف اور شہبازشریف کے بچوں میں لڑائی پرانی ہے جس میں اب شدت آچکی ہے اور مریم نواز نے اس میں بڑا کردار ادا کیا ہے.

وہ عدالت سے باہر میڈیا سے بات چیت کر رہے تھے شیخ رشید نے کہا کہ شریف خاندان کی عادت ہے کہ کام پڑنے پر وہ پیروں میں گر جاتے ہیں اور جب کام نکل جاتا ہے تو گلے پڑتے ہیں.

سربراہ عوامی مسلم لیگ نے کہا کہ نواز و شہباز کے بچوں میں اختلافات حل ہونے والے نہیں کیوں کہ بڑا بھائی اپنے چھوٹے بھائی پر اعتبار کرنے کو تیار نہیں اور تجربہ کار بھائی کے بجائے کل کی لڑکی کو پارٹی کی باگ دوڑ تھما دی ہے جس کے نقصانات سامنے آ رہے ہیں.

شیخ رشید نے بتایا کہ انتخابی اصلاحات بل کے خلاف پٹیشن پر عدالت کے اعتراضات دور کرکے سپریم کورٹ میں دوبارہ داخل کرا دی ہے اور جمہوریت پر قدغن لگانے کے خلاف تمام سازشوں کو تار تار کریں گے جس کے لیے اگر روز عدالت آنا پرا تو ضرور آؤں گا لیکن جمہوریت کی پیٹھ پر چھرا برداشت نہیں کروں گا.

انہوں نے کہا کہ اگر حدیبیہ کیس کھل جاتا ہے تو پورا ٹبر جیل جائے گا کیوں کہ اس کیس میں شواہد بھی موجود ہیں اور گواہان بھی موجود ہیں اور عدالتی فیصلہ بھی سب کے سامنے ہے.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں