sheikh rasheedشریف خاندان سے مناظرے کے لئے تیار ہوں، شیخ رشید
The news is by your side.

Advertisement

شریف خاندان سے مناظرے کے لئے تیار ہوں، شیخ رشید

اسلام آباد : عوامی مسلم لیگ کے سربراہ شیخ رشید کا کہنا ہے کہ شریف خاندان سےمناظرے کے لئے تیارہوں، اصل خطرہ اداروں کےخلاف بات کرنیوالوں سےہے، میں نےبہت سے دستاویزات دیے ہیں، ان لوگوں کی اوقات بتائی ہے۔

تفصیلات کے مطابق عوامی مسلم لیگ کے سربراہ شیخ رشید نے نے وزیراعظم کے خلاف نیب سے رجوع کرلیا اور ایل این جی معاہدے کی تحقیقات کے لئے درخواست جمع کرادی۔

میڈیا سے گفتگو کرتے ہوئے شیخ رشید نے کہا کہ نیب کو تمام معاملات سے پردہ اٹھانا چاہئے، اصل خطرہ اداروں کےخلاف بات کرنیوالوں سے ہے، جو پاکستان کے اداروں کے خلاف بات کرتا ہے وہ ملک کا غدار ہے۔

سربراہ عوامی مسلم لیگ کا کہنا تھا کہ شریف خاندان سےمناظرے کے لئے تیارہوں، میں نے بہت سے دستاویزات دیے ہیں، ان لوگوں کی اوقات بتائی ہے، ہمیں نہیں معلوم ہمارےکیس کا کیا ہوگا، ہم نے دستاویزات نیب میں جمع کرا دیئے ہیں۔


مزید پڑھیں : جو فوج اورعدلیہ کے خلاف بات کرتاہے وہ ملک کاغدارہے،شیخ رشید


گذشتہ روز عوامی مسلم لیگ کے سربراہ شیخ رشید نے میڈیا سے گفتگو کرتے ہوئے کہا تھا کہ کل نیب ہیڈ آفس جا رہا ہوں، پہلی بارنیب ہیڈآفس میں جاویداقبال کے پاس جاؤں گا، ایل این جی 200ارب روپے کی کرپشن کا کیس ہے، سپریم کورٹ کے پیچھے 20کروڑ عوام کھڑے ہیں۔

شیخ رشید کا کہنا تھا کہ جو فوج اورعدلیہ کے خلاف بات کرتاہے وہ ملک کاغدار ہے، ملک فوج اورعدلیہ کی بدولت چل رہا ہے ، الیکشن دورہیں ،بہت مسائل ہیں، حکمران لڑائی پر اتر آئے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں