مولانا فضل الرحمان کے 14 اگست نہ منانے کے بیان پر شیخ رشید برس پڑے
The news is by your side.

Advertisement

مولانا فضل الرحمان کے 14 اگست نہ منانے کے بیان پر شیخ رشید برس پڑے

راولپنڈی: عوامی مسلم لیگ کے سربراہ شیخ رشید نے کہا ہے کہ مولانا فضل الرحمان نے 14 اگست کو یوم آزادی نہ منانے کا فیصلہ کیا ہے، آج شہباز شریف نے بھی مولانا کی تائید کی، یہ وہی لوگ ہیں جو پاکستان بنانے کے مخالف تھے۔

ان خیالات کا اظہار انہوں نے اپنے جاری کردہ ویڈیو بیان میں کیا، شیخ رشید کا کہنا تھا کہ ساری قوم جشن آزادی کا تاریخی جشن منائے گی، ہم سب مل کر یوم آزادی منائیں گے۔

انہوں نے کہا کہ 14 اگست کو لال حویلی کے باہر بھی تاریخی جشن ہوگا، پوری قوم 14 اگست بھرپور ملی جوش و جذبے سے منائے گی۔

شیخ رشید کا مزید کہنا تھا کہ شریف خاندان ڈان لیکس کے پیروکار ہیں، یہ وہی لوگ ہیں جنہوں نے ختم نبوت کے خلاف سازش کی۔

دوسری جانب مولانا فضل الرحمان کے متنازع بیان پر شہبازشریف نے بھی تائید کی ہے، سابق وزیر اعلیٰ پنجاب کا کہنا تھا کہ وہ فضل الرحمان سے متفق ہیں، کیا چودہ اگست کے ساتھ شفاف الیکشن کی خوشی مناسکتے ہیں، اس کاجواب نفی میں ہے۔

خیال رہے کہ مولانا فضل الرحمان نے کہا تھا چودہ اگست یوم آزادی کے طور پر نہیں مناسکتے، مولانافضل الرحمان کے بیان پر محمود اچکزئی بھی تائید میں گردن ہلا رہے تھے۔

واضح رہے کہ گذشتہ روز متحدہ اپوزیشن کے احتجاج کے موقع پر خطاب کرتے ہوئے مولانا فضل الرحمن نے کہا تھا کہ ہر سال چودہ اگست یوم آزادی کے طور پر منایا جاتا ہے لیکن اب کی بار ہم 14اگست کو یوم آزادی نہیں منا سکتے کیونکہ ہماری رائے کا حق چھین لیا گیا ہے۔

Comments

comments

یہ بھی پڑھیں