The news is by your side.

Advertisement

آج چوروں نے اتوار بازار لگا رکھا تھا، شیخ رشید

راولپنڈی: وزیر ریلوے شیخ رشید احمد نے کہا ہے کہ آج چوروں نے اتوار بازار لگا رکھا تھا، لوٹی ہوئی دولت کے دفاع کے لیے یہ لوگ اکٹھے ہوئے ہیں۔

تفصیلات کے مطابق وزیر ریلوے شیخ رشید نے اے آر وائی نیوز سے خصوصی گفتگو کرتے ہوئے کہا کہ ملک میں کوئی بحران پیدا ہوا تو اپوزیشن کو زیادہ نقصان ہوگا، ایک نمبر سے شروع کریں تو عوام میں ان کی حیثیت کیا ہے۔

شیخ رشید نے کہا کہ ماضی میں معیشت کو تباہ کیا گیا اس لیے آج مہنگائی ہے، موجودہ دور حکومت میں مہنگائی اپنی ذات کے لیے نہیں ہے، ماضی میں جو کچھ ان لوگوں نے کیا اس کی سزا عوام کو مل رہی ہے۔

انہوں نے کہا کہ وزیراعظم عمران خان کو سخت فیصلے کرنے پڑ رہے ہیں، مجھے امید ہے تین سے 4 ماہ میں حالات بہتر ہوجائیں گے۔

واضح رہے کہ اس سے قبل شیخ رشید احمد کا کہنا تھا کہ شریف خاندان اور آصف زرداری کی سیاست کا خاتمہ ہو چکا ہے، آج ن لیگ کی سیاست کا جنازہ نکل جانا ہے، ان کو کچھ نہیں ملنے والا، زرداری سے متعلق ن لیگ کے بیانیے کی بھی نفی ہو گئی۔

مزید پڑھیں: اپوزیشن جماعتوں کا عید کے بعد علیحدہ علیحدہ احتجاج کا فیصلہ

ان کا کہنا تھا کہ آج گھی، تیل ان ہی چوروں اور ڈاکوؤں کی وجہ سے مہنگا ہوا ہے، سب ایک ہی ٹوکری میں جمع ہو گئے ہیں، یہ عمران خان کے لیے اچھا ہے۔

خیال رہے کہ بلاول بھٹو کی جانب سے دی جانے والی دعوتِ افطار کے بعد اپوزیشن رہنماؤں کی مشترکہ پریس کانفرنس ہوئی جس میں بلاول بھٹو،شاہدخاقان عباسی ، مریم نواز ،حمزہ شہباز ، مولانافضل الرحمان، حاصل بزنجو اور دیگر سیاسی رہنما شریک تھے۔

بلاول بھٹو زرداری کا کہنا تھا کہ عید الفطر کے بعد اپوزیشن جماعتیں ایوان کے اندر اور باہر حکومت کے خلاف علیحدہ علیحدہ احتجاج کریں گی۔

Comments

comments

یہ بھی پڑھیں