پاکستان مسلم لیگ عوامی کے سربراہ اور سابق وفاقی وزیر شیخ رشید نے کہا ہے کہ عمران خان کا لانگ مارچ عارضی طور پر رکا ہے ختم نہیں ہوا۔
سینیئر سیاستدان نے عمران خان کے قاتلانہ حملے میں زخمی ہونے کے بعد حقیقی آزادی مارچ کے حوالے سے سماجی رابطوں کی ویب سائٹ ٹوئٹر پر اظہار خیال کیا ہے۔
شیخ رشید نے کہا کہ عمران خان کا لانگ مارچ عارضی طور پر رُکا ہے ختم نہیں ہوا، سیاسی درجہ حرارت میں کوئی تبدیلی نہیں آئی، 3 دن سے ایف آئی آر نہیں کٹی تھانے میں بجلی ہی نہیں ہے۔
سابق وفاقی وزیر کا اپنے ٹوئٹ میں مزید کہنا تھا کہ نا اہل غیر مقبول حکومت مکمل ناکام ہو گئی ہے، پیمرا کی ناکام سنسر شپ میڈیا کے خلاف سازش تھی۔
عمران خان کا لانگ مارچ عارضی طور پے رُکا ہے ختم نہیں ہوا 3 دن سے ایف آئی آر نہیں کٹی تھانے میں بجلی نہیں سیاسی درجہ حرارت میں کوئی کمی نہیں آئی ججز انتہائی قابل احترام ہیں لیکن تفتیشی نہیں نااہل غیر مقبول حکومت مکمل ناکام ہو گئی ہے پیمراکی ناکام سینسر شپ میڈیاکےخلاف سازش تھی
— Sheikh Rashid Ahmed (@ShkhRasheed) November 6, 2022
واضح رہے کہ پیمرا نے گزشتہ روز پہلے پی ٹی آئی چیئرمین عمران خان کے بیانات میڈیا پر نشر کرنے پر پابندی عائد کی تھی تاہم عوامی ردعمل کے بعد اس پابندی کو واپس لے لیا تھا۔