The news is by your side.

Advertisement

آج ملک کی تمام جماعتیں چوروں کے خلاف اعلان جنگ کرنے جا رہی ہیںِ،شیخ رشید

لاہور : عوامی مسلم لیگ کے سربراہ شیخ رشید کا کہنا ہے کہ آج ملک کی تمام جماعتیں چوروں لٹیروں کے خلاف سیاسی اعلان جنگ کرنے جا رہی ہیں، ملک دشمنوں اور شیخ مجیب کو اپنا لیڈر ماننے والوں کے خلاف سیاسی جنگ کا آج پہلا دن ہے۔

تفصیلات کے مطابق سانحہ ماڈل ٹاؤن کے متاثرین کو انصاف دلانے کیلئے پاکستان عوامی تحریک کی زیرقیادت اپوزیشن اتحاد کا فیصلہ کن احتجاج آج ہورہا ہے ، تمام اپوزیشن جماعتیں ایک پیج پر ہے۔

اس موقع پر سربراہ عوامی مسلم لیگ نے اپنے ویڈیو پیغام میں کہا ہے کہ آج ملک کی تمام جماعتیں چوروں کے خلاف اعلان جنگ کرنے جا رہی ہیںِ، مجیب کو اپنا لیڈر ماننے والوں اور چوروں،لیٹروں،ڈاکوؤں کےخلاف کے خلاف سیاسی جنگ کا آج پہلا دن ہے۔

شیخ رشید کا کہنا تھا کہ احتجاج ان کیخلاف ہےجنہوں نے9،9 ارب داماد کوکابینہ سےدلوائے، یہ لوگ سمجھتے ہیں کہ انہیں ملک میں چوری کا حق ہے، یہ لوگ 5 ججوں کے فیصلے کو ٹوکری میں پھینکنے کا کہتے ہیں۔

انھوں نے مزید کہا کہ حکمران غیر ملکی ایجنڈے پر عدلیہ کی تذلیل چاہتے ہیں، ناموس رسالت کو چھیڑنے والوں کو کٹہرے میں لائیں گے، جب تک یہ قانون کی گرفت میں نہیں ہونگےچین سے نہیں بیٹھیں گے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں