The news is by your side.

Advertisement

اپوزیشن کا احتجاج ، وزیر داخلہ شیخ رشید نے خبردار کردیا

راولپنڈی : وزیر داخلہ شیخ رشید نے اپوزیشن کو خبردار کیا ہے کہ الیکشن سے پہلے اپوزیشن نے کوئی فساد کیا تو یہ ان کے اپنے لئے سیاسی گڑھا ہوگا اور اگر قانون ہاتھ میں لیا توقانون ان کوہاتھ میں لے گا۔

تفصیلات کے مطابق وفاقی وزیر داخلہ شیخ رشید نے مری روڈ گورنمنٹ ایسوسی ایٹ کالج خواتین کا دورہ کرکے کالج میں نئے تعمیر ملٹی پرپز ہال کا افتتاح کیا۔

اس موقع پر وفاقی وزیر داخلہ نے کہا کہ آج الحمداللہ راولپنڈی تعلیم میں کئی شہروں میں پہلےنمبرپرہے، اگرزندہ رہاتوآئی ٹی یونیورسٹی بھی بناؤں گا، لال حویلی کو بھی مرنے کے بعد یونیورسٹی بنانےکااعلان کرتاہوں۔

شیخ رشید نے کہا کہ خواہش تھی نرسری سےپی ایچ ڈی تک بچی ایک ہی جگہ تعلیم حاصل کرے، دعاکریں کل ہماراایک کیس ہےاس میں کامیابی حاصل ہوجائے۔

ان کا کہنا تھا کہ ہماری بیٹی پڑھی لکھی ہےدنیاکی کوئی طاقت شکست نہیں دے سکتی، چاہےکالج ،اسکول کانام کچھ بھی ہو بچیوں کو تعلیم ملنا مقصد ہے، جو بچیاں وسائل کی وجہ سےبیرون ملک پڑھنے نہیں جاسکتی لال حویلی بھیجے گا، جو بچیاں اسکول کالج فیس ادا نہیں کرسکتی انکی فیس بھی لال حویلی بھرےگا۔

اپوزیشن کے حوالے سے وفاقی وزیر داخلہ نے کہا کہ الیکشن سے پہلے اپوزیشن نے کوئی فساد کیا تو یہ ان کے اپنے لئے سیاسی گڑھا ہوگا ، مجھے خوشی ہے پی ڈی ایم نے احتجاج کیلئے میرے شہر کا انتخاب کیا ہے،قانون کوہاتھ میں لیں گےتوقانون انکوہاتھ میں لےگا، آئین وقانون کی پاسداری کی جائےگی۔

شیخ رشید کا کہنا تھا کہ کوئی دراڑ نہیں، اللہ بہتر کرے گا، عمران خان کی حکومت پانچ سال پورے کرے گی۔ میراخیال ہےفوادصاحب بہترجواب دیں گے۔

انھوں نے مزید کہا کہ امریکی ناظم الامور کو بھی پتہ ہیں ن اور ش الگ ہیں اس لیے الگ الگ ملیں، الیکشن سے پہلے تیسری لیگ بھی وجود میں آجائے گی

بھارتی نیوی ناکام کوشش کے حوالے سے وفاقی وزیر کا کہنا تھا کہ پاکستان کی نیوی نےتیسری بارانڈیاکی دخل اندازی کوواچ کرکےمارک کیا، پاکستان نیوی نےبھارت کی نیوی کوشٹ اپ کال دی ہے، پاکستان کی ایئرفورس اورزمینی فورسز کی طرح بحریہ بھی چاق وچوبندہیں، میں نےپاکستان نیوی ہیڈکوارٹردورےکی دعوت قبول کرلی ہے،شیخ رشید

شیخ رشید نے کہا کہ کوشش ہےکہ ڈالرکی نقل و حرکت کوروکاجائے،اسلام آبادکیلئےڈرونزکی فورس بنانےلگے ہیں کل صبح افتتاح ہوگا۔

Comments

یہ بھی پڑھیں