اسلام آباد : عوامی مسلم لیگ کے سرابراہ شیخ رشید کو آج جوڈیشل مجسٹریٹ عمرشبی رکی عدالت پیش کیا جائے گا۔
تفصیلات کے مطابق گرفتار عوامی مسلم لیگ کے سرابراہ شیخ رشید آج عدالت میں پیش کیا جائےگا
پولیس شیخ رشید کو جوڈیشل مجسٹریٹ عمرشبیرکی عدالت پیش کرے گی ، جہاں شیخ رشید کے جسمانی ریمانڈ کی استدعا کی جائے گی۔
یاد رہے پولیس نے رات گئے شیخ رشید کو راولپنڈی سے گرفتار کیا تھا، ان کو نجی ہاؤسنگ سوسائٹی سے ان کی رہائش گاہ سے گرفتار کیا گیا۔
شیخ رشید کے بھتیجے راشد شفیق کے مطابق تین سو سے چار سو پولیس اہلکار گھر میں داخل ہوئے، توڑ پھوڑ کی اور ملازمین کو بند کر دیا۔
شیخ رشید کو گرفتاری کے بعد آبپارہ تھانے سے پولی کلینک اسپتال منتقل کیاگیا ، جہاں طبی معائنے کے بعد انھیں تھانہ سیکٹریٹ منتقل کر دیا۔
بھتیجے راشد شفیق نے کارکنوں کو کچہری پہنچنے کی ہدایت کرتے ہوئے بتایا تھا کہ پولیس شیخ رشید کے گھر سے 2بلٹ پروف گاڑیاں اور لائسنس یافتہ 2کلاشنکوف بھی ساتھ لے گئی ہے۔
