The news is by your side.

عوام تیار ہوجائیں ! ‘پیٹرول اور بجلی مزید مہنگی ہونے جارہی ہے’

راولپنڈی : عوامی مسلم لیگ کے سربراہ شیخ رشید نے دعویٰ کیا کہ پیٹرول اوربجلی مزیدمہنگی ہونے جارہی ہے، وہ وقت دور نہیں جب لوگ سڑکوں پر ہوں گے۔

تفصیلات کے مطابق عوامی مسلم لیگ کے سربراہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ آئی ایم ایف کو معلوم ہے کہ کمزوراکثریت ہے اور لوگ سڑکوں پر آسکتےہیں، پیٹرول اوربجلی مزیدمہنگی ہونے جارہی ہے، وہ وقت دور نہیں جب کارخانے اور دکانیں بند اور لوگ سڑکوں پر ہوں گے۔

شیخ رشید کا کہنا تھا کہ سیلاب سیاسی پوائنٹ اسکورنگ بن گیا ہے، ڈالر 3 روپے اور بڑھ گیا ہے،دوست ممالک سرمایہ کاری کی بات کررہے ہیں، کیش کی نہیں ۔

سابق وزیر داخلہ نے ایک اور ٹوئٹ میں لکھا کہ حکومت کو ممنوعہ فنڈنگ، توشہ خانہ اور توہین عدالت کیسز سے کچھ نہیں ملے گا، وزیروں کا جمعہ بازار لگا ہے، کئی وزیر بے محکمہ ، بے دفتر اور آئین سے زیادہ ہیں، میں وزراکی آئین سے اضافی تعداد پرہائیکورٹ جاسکتا ہوں۔

ان کا کہنا تھا کہ بجلی کے بل یا چولہےمیں سے ایک ہی چل سکتا ہے، اپنے بچوں کوبھوک سے مرتےکوئی نہیں دیکھ سکتا۔

Comments

یہ بھی پڑھیں