site
stats
پاکستان

خودکش سیاستدان ہوں، شیخ رشید

اسلام آباد : سربراہ عوامی مسلم لیگ شیخ رشید کا کہنا ہے کہ خودکش سیاستدان ہوں، ووٹوں سے منتخب ہونے والے ملک کولوٹ رہے ہیں، دنیا میں ایسا کہیں نہیں جس پرفردجرم عائد ہو جائے او روہ وزیر بیٹھا ہو۔

تفصیلات کے مطابق عوامی مسلم لیگ کے سربراہ شیخ رشید کا اپنے بیان میں کہنا ہے کہ عوام ٹیکس اس لیے نہیں دیتے کہ انہیں چوری کرکے باہر بھیجا جائے، محنت سے روزی کمانے والوں پر بدیانت او رکمیشن خور مسلط کیے جاتے ہیں، ووٹوں سےمنتخب ہونےوالےملک کولوٹ رہےہیں۔

شیخ رشید نے کہا کہ چینی سفیرنےبتایاچین میں 200لوگوں کرپشن پرگولیاں ماری گئیں، میٹرو منصوبے میں چوری کرنےوالوں کو میٹرو پر ہی گولیاں ماری جائیں گی، وہ وقت دور نہیں جب کمیشن خوروں پریہ زمین تنگ کردی جائے گی، ہم نے کیا قصور کیا ہے ، جو ہم پر ایسے حکمران مسلط کیے جاتے ہیں۔

سربراہ عوامی مسلم لیگ کا کہنا تھا کہ ایک نے کہا روٹی کپڑا اور مکان دوں گا لیکن قبرستان بھی نہیں دیا، ایک نے کہا پاکستان کو ایشیا ٹائیگر بناؤں گا لیکن اپنے بیٹوں کو ٹائیگر بنادیا، یہ لوگ معافی مانگ کرسعودی عرب گئے اور محل میں رہتے رہے۔

انھوں نے کہا کہ ہماری بیٹیوں نے سڑکوں پر بچوں کو جنم دیا بہت افسوس کی بات ہے، ایسے شخص کو پاکستان میں سیاست کی اجازت نہیں جو اپنی جائیداد باہر رکھے، ہم سی پیک کیخلاف نہیں،ہم بھی پاکستان کی ترقی چاہتےہیں۔

شیخ رشید کا کہنا تھا کہ نوازشریف نےقریبی حلقوں کو کہا ہے سارا مال شہباز شریف کھا گئے، دنیا میں ایسا کہیں نہیں، جس پر فرد جرم عائد ہو جائے اورو ہ وزیر بیٹھا ہو، وزیر خزانہ پر فردجرم عائد ہے اور وہ نیشنل سیکیورٹی اجلاس میں بیٹھتے ہیں۔

انھوں نے کہا کہ خودکش سیاستدان ہوں، ہماری دولت لوٹنے والوں کومحلات سےنکالیں گے، پی ٹی آئی آگےبڑھےاورملک میں چوروں لٹیروں کااحتساب کرے، غریب چھوٹی چوری کر لے تو اسے سزا اور انہیں کچھ نہیں کہا جاتا، یہ لوگ کہتےہیں ہم نے کیا کیا،نندی پور کس نے تباہ کیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top