ابوظہبی:یمن ہیلی کاپٹر حادثے میں زخمی ہونے والا ابو ظہبی کے شاہی خاندان کا نوجوان بیرونِ ملک علاج کے بعد وطن واپس پہنچ گیا‘ اعلیٰ شخصیات نے اس موقع پر خوشی کا اظہار کیا ہے۔
تفصیلات کے مطابق یمن کے علاقے شبواہ میں ملٹری ہیلی کاپٹر کو پیش آنے والے حادثے میں شیخ زید بن ہمدان النہیان زخمی ہوئے تھے‘ اس حادثے میں چار فوجی جاں بحق اور تین زخمی بھی ہوئے تھے۔
ذرائع کے مطابق گزشتہ سال اگست میں پیش آنے والا یہ حادثہ تکنیکی خرابی کے سبب پیش آیا تھا جس کے سبب ہیلی کاپٹر کو کریش لینڈنگ کرنا پڑی تھی۔
اس موقع پر متحدہ عرب امارات کی قیادت نے ٹویٹر پر اپنی خوشی کا اظہار کیا کہ مرحوم شیخ زید بن سلطان کے پوتے اب صحت یا ب ہوکر اپنے گھر پہنچ چکے ہیں۔ ابوظہبی کے حاکم اور متحدہ عرب امارات کے وزیراعظم شیخ محمد بن راشد المکتوم نے انہیں اماراتی نوجوانوں کا فخر قراردیا ہے۔
زايد بن حمدان نموذج وقدوة
للجيل … به وبأمثاله تُرفع الرؤوس .. ويفخر الوطن .. به وبأمثاله من جنود الوطن البواسل تزداد منعتنا وقوتنا .. وتترسخ روح الفداء في شبابنا وجنودنا .. حللت في وطنك محل القلب اليوم يا زايد .. pic.twitter.com/6rrFjaiCsb— HH Sheikh Mohammed (@HHShkMohd) February 17, 2018
ان کا کہنا تھا کہ کہ ’’ متحدہ عرب امارات‘ یہاں کے عوام اور حکمران شیخ زید بن ہمدان کی واپسی پر بہت خوش ہیں‘‘۔ انہوں نے مزید کہا کہ ’’ امارات کے بانی کے ہم نام یہ شہزادے ہمارے بہترین بہادر سپاہی ہیں اور ان کی شجاعت کا نشان بھی ہیں‘‘۔
وزیراعظم شیخ محمد بن راشد المکتوم نے یہ بھی کہا کہ ’’ شیخ زیدبن ہمدان ہماری نئی نسل کے لیے استعارہ ہیں اور پورا ملک ان جیسے لوگوں پر فخر کرتا ہے۔ ہمارے بہادر سپاہی ان سے قوت لے کرمزید تونا ہوں گے‘ اور اس واقعے سے ہمارے سپاہیوں اور نوجوانوں میں وطن کے لیے قربانی کےجذبہ بڑھے گا‘‘۔
اس موقع پر یو اے ای کی مسلح افواج کے نائب سپریم کمانڈر اور ولی عہد شیخ محمد بن زید النہیان نے ٹویٹ کیا کہ ’’ اللہ کا شکر، ہم خوش ہیں کہ شیخ زید ٹھیک ہیں اور گھر لوٹ آئے ہیں۔ اللہ میدانِ جنگ میں ہمارے سپاہیوں کو محفوظ رکھے۔ ہم دعا کرتے ہیں کہ وہ ہمارے زخمیوں کو صحت یا ب کرے اور ہمارے شہدا پر اپنا رحم و کرم فرمائے۔
We congratulate the nation and its leaders on the safe return of the brave Sheikh Zayed bin Hamdan Bin Zayed Al Nahyan to our beloved UAE. @ZayedHamdanHH pic.twitter.com/HbNsyL9yJL
— Burj Khalifa (@BurjKhalifa) February 17, 2018
شیخ زید کی وطن واپسی کے موقع پر امارات کی عظمت کا نشان برج الخلیفہ پر شیخ زید بن ہمدان اور امارات کے جھنڈے کی تصویر جھلملاتی رہی اور اس میں عوام اور حکام کو اس شہزادے کی وطن واپسی پر مبارک بعد پیش کی گئی۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں