The news is by your side.

Advertisement

ابوظبی : شیخ زید ورثہ فیسٹول کا انعقاد، تاریخ کا اعلان کردیا گیا

ابوظبی میں فیسٹول کا انعقاد شیخ زید ورثہ فیسٹول 2021 کی ہائر آرگنائزنگ کمیٹی نے اعلان کیا ہے کہ میلے کی سرگرمیاں 18 نومبر کو ابوظبی کے الوثبہ میں شروع ہوں گی۔

متحدہ عرب امارات کے بانی مرحوم شیخ زید بن سلطان النہیان کے نام سے منسوب شیخ زید ورثہ فیسٹول میں ملک کے ثقافتی ورثے کو اجاگر کیا جارہا ہے۔ اس فیسٹول میں قومی روایات، آرٹس، دستکاری، خوراک اور متحدہ عرب امارات کی متحرک اور متنوع ثقافت کو پیش کیا جائے گا۔

ابوظہبی میں منعقدہ شیخ زید فیسٹول صدر شیخ خلیفہ بن زید النہیان کی سرپرستی میں اور ابوظہبی کے ولی عہد اور متحدہ عرب امارات کی مسلح افواج کے نائب سپریم کمانڈ شیخ محمد بن زید النہیان کی ہدایات پر منعقد ہوگا۔

،نائب وزیراعظم اور وزیر برائے صدارتی امور عزت مآب شیخ منصور بن زاید النھیان اس کی نگرانی کریں گے میلے کی منتظم کمیٹی کا کہنا ہے کہ یہ فیسٹول یکم اپریل 2022 تک جاری رہے گا جس میں قوم کی میراث کو محفوظ رکھنے پر توجہ مرکوز رکھتے ہوئے متحدہ عرب امارات کی تہذیب کی گہرائی کو اجاگر کیا جائے گا اور خطے میں سیاحت اور ثقافتی منزل کے حوالے سے ابوظہبی کے بلند مقام کو مزید تقویت بھی ملے گی۔

اس میلے کے نئے ایڈیشن میں ایونٹس کا بھرپور ایجنڈا شامل ہے ، بڑے تفریحی شوز کے ذریعے ورثہ کے محفوظ بنایا جائے گا۔

عوامی آگاہی کو فروغ ملے گا اور تفریح کو اجاگر کرنے کے مواقع مہیا ہوں گے ۔ اس کے ایونٹس میں قومی دن عالمی تہذیبی مارچ نئے سال کی تقریبات اور الوثبۃ کاسٹیوم شو کی تقریبات بھی شامل ہیں۔

میلے کی منتظم کمیٹی ہمیشہ سے ہی اس فیسٹول میں نئی سرگرمیوں کو شامل کرنے کیلئے سرگرم رہی ہے ، یہ اس میلے کے مقام و ساکھ کو ایک ایسے ثقافتی اور ورثہ کی قدر و منزلت عطا کرتی ہے جوکہ ملک کی شناخت کا عکاس ہے۔

حال ہی میں اس میلے کی نئی ویژول میڈیا شناخت کا اعلان کیا گیا جس کے ڈیزائن میں ایک ہاک اور المقتبۃ برج شامل ہیں جوکہ ملک کی ماضی کی روایات اور روشن مستقبل کے ساتھ آئیندہ کے 50 برس کیلئے خوش آئیند ویژن کا اظہار ہے۔

Comments

یہ بھی پڑھیں