The news is by your side.

Advertisement

شیخوپورہ میں ساتویں جماعت کے طالب علم سے مبینہ زیادتی

شیخوپورہ : پنجاب کے علاقے شیخوپورہ میں ساتویں جماعت کے طالب علم کو مبینہ طور پر زیادتی کا نشانہ بنا دیا، بچے کے اہل خانہ نے الزام عائد کیا ہے کہ پولیس مقدمہ درج کرنے سے انکار کررہی ہے۔

تفصیلات کے مطابق پنجاب میں بچوں سے زیادتی کے واقعات میں مسلسل اضافہ ہوتا جارہا ہے، قتل و زیادتی کے بعد قتل کا ایک اور واقعہ رپورٹ ہوا ہے۔ شیخوپورہ کی ہاؤسنگ کالونی میں ساتویں جماعت کے طالب علم سے مبینہ زیادتی کا واقعہ پیش آیا ہے۔

اس حوالے سے طالب علم نعیم کے والد نے میڈیا سے گفتگو کرتے ہوئے بتایا کہ پہلے میرے بیٹے کو اغوا کیا، ملزمان نے اغوا کرکے اسے زبردستی شراب پلائی۔

انہوں نے بتایا کہ ملزم قاسم و دیگر نعیم کو گن پوائنٹ پر زیادتی کانشانہ بناتے رہے، نعیم کے والد نے علاقہ پولیس پرالزام لگاتے ہوئے کہا کہ ہاؤسنگ کالونی پولیس مقدمہ درج کرنے سے انکارکررہی ہے۔

انہوں نے اعلیٰ حکام سے اپیل کی کہ میری داد رسی کی جائے اور مجھے انصاف فراہم کرتے ہوئے ملزمان کو کیفر کردارتک پہنچائیں۔

Comments

یہ بھی پڑھیں