شیخوپورہ میں خواتین ٹیچرز اور طلبا سے مبینہ زیادتی کرنے والے اسکول پرنسپل کو گرفتار کر لیا گیا۔

پولیس کے مطابق تھانہ بی ڈویژن کی حدود میں طلبا نے ملزم کی حرکات سے متعلق والدین کو بتایا جس پر کارروائی کرتے ہوئے ملزم کو گرفتار کیا گیا۔

نجی اسکول پرنسپل ارسلان کے زیادتی کی ویڈیوز فروخت کرنے کا انکشاف بھی ہوا ہے۔

پولیس کا کہنا ہے کہ ملزم ویڈیوز وائرل کرنے کی دھمکیاں دے کر بلیک میل بھی کرتا تھا جب کہ ملزم کے موبائل سے 150 نازیبا ویڈیوز برآمد ہوئی ہیں اور تفتیش جاری ہے۔