The news is by your side.

Advertisement

انتخابات کے بعد جمہوری طریقے سے تبدیلی آنی چاہیے، امریکی رکن کانگریس

ہیوسٹن: امریکا کی رکن کانگریس شیلا جیکسن لی نے کہا ہے کہ پاکستان میں جمہوری عمل کی حمایت کرتے ہیں، انتخابات کے بعد تبدیلی آنی چاہیے۔

کانگریس میں پاکستان کاکس کی چیئرپرسن  شیلا جیکسن لی کا اے آروائی نیوز سے خصوصی گفتگو  کرتے ہوئے کہنا تھا کہ میں نے کانگریس میں پاکستان کی دفاعی امداد میں کٹوتی کے بل کی مخالف کی۔

اُن  کا کہنا تھا کہ پاکستانی کمیونٹی مختلف شعبوں سے وابستہ ہے اور وہ امریکا کی ترقی میں اہم کردار رہی ہے، پاکستان کاکس پاک امریکا تعلقات میں بہتری کے لیے کوشاں ہے۔

اُن کا کہنا تھا کہ پاکستان میں جمہوری عمل کی حمایت کرتے ہیں اور خواہش ہے کہ انتخابات کے بعد جو بھی تبدیلی آئے وہ جمہوری طریقے سے ہی آئے۔

مزید پڑھیں: فوج پریزائیڈنگ افسر کے ماتحت کام کرے گی: سیکریٹری الیکشن کمیشن

خیال رہے کہ ملک بھر میں 25 جولائی کو عام انتخابات کا انعقاد کیا جائے گا جس میں صوبائی و قومی اسمبلی کی نشستوں پر سیاسی جماعتوں اور آزاد حیثیت سے لڑنے والے امیدوار حصہ لیں گے جبکہ 18 سال سے زائد عمر کے شہری اپنا حق رائے دہی استعمال کریں گے۔

قبل ازیں چین اور روس کی جانب سے بھی پاکستان میں ہونے والے انتخابات پر اطمینان کا اظہار کیا گیا، دونوں ہی ممالک نے الیکشن کے انعقاد اور مستقبل کے لیے نیک خواہشات کا اظہار کیا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

Comments

comments

یہ بھی پڑھیں