ہیوسٹن: امریکا سیلاب زدگان کے لیے مزید 20 ملین ڈالر امداد اور خیمے فراہم کرے گا۔
تفصیلات کے مطابق امریکی ڈیموکریٹ رکن کانگریس اور پاکستان کاکس کی چیئرپرسن شیلا جیکسن لی نے کہا ہے کہ پاکستان میں سیلاب زدگان کی امداد کے لیے امریکا مزید بیس ملین ڈالرز کی امداد اور 3 لاکھ خیمے فراہم کرے گا۔
رکن کانگریس شیلا جیکسن نے ہیوسٹن پہنچنے پر پریس کانفرنس کی، جہاں امریکی وفد کا استقبال ڈیموکریٹ رہنما ڈاکٹر آصف ریاض قدیر و دیگر کمیونٹی رہنماؤں نے کیا۔
پاکستان کے دورے سے واپسی پر ہیوسٹن ایئر پورٹ پر اے آر وائی نیوز سے خصوصی گفتگو کرتے ہوئے شیلا جیکسن نے کہا کہ پاکستان میں سیلاب زدگان کو امریکا مزید بیس ملین ڈالر کی امداد فراہم کرے گا۔
امریکا کی سیلاب زدگان کیلیے 3 کروڑ ڈالر کی اضافی امداد
پیر کو اسلام آباد میں امریکی کانگریس کی رکن شیلا جیکسن لی کی قیادت میں کانگرس کے ایک وفد نے وزیر اعظم شہباز شریف کے ساتھ ملاقات کی تھی، جس میں انھوں نے کہا کہ امریکا نے پاکستان کے شانہ بشانہ کھڑے ہونے اور سیلاب متاثرین کی مشکلات کم کرنے اور تعمیر نو میں مدد دینے کے عزم کا اعادہ کیا ہے۔
