The news is by your side.

Advertisement

سرینگر: نماز عید کے اجتماعات پر بھارتی فوج کی شیلنگ، متعدد زخمی

سرینگر: بزدل بھارتی فوج سے عید پر بھی مسلمانوں کی خوشی نہ دیکھی گئی۔ مقبوضہ کشمیر میں نماز عید کے اجتماعات پر شیلنگ کر کے متعدد افراد کو زخمی کر دیا۔ بھارتی فورسز نے کلگام میں ایک کشمیری کو شہید کر دیا۔

تفصیلات کے مطابق مقبوضہ وادی کشمیر میں کشمیریوں نے بندوقوں کے سائے میں نماز عید ادا کی۔

سرینگر میں آزادی کے متوالوں نے نمازعید کے بعد احتجاج کیا تو بزدل فورسز حواس کھو بیٹھی اور فائرنگ اور شیلنگ شروع کردی۔

مقبوضہ وادی کے مختلف علاقوں میں بھارتی فورسز اور کشمیری نوجوانوں کے درمیان شدید جھڑپیں ہوئیں۔

مظاہرین نے آزادی اور پاکستان کے حق میں نعرے لگائے۔ بھارتی فوج سے جھڑپوں میں متعدد افراد زخمی اور کلگام میں ایک کشمیری شہید ہوگیا۔

بزدل انتظامیہ نے کل ہی حریت رہنماؤں میر واعظ عمر فاروق، یاسین ملک سمیت متعدد رہنماؤں کو گھروں میں نظر بند کردیا تھا۔


Print Friendly, PDF & Email

Comments

comments

یہ بھی پڑھیں