اسلام آباد : شیر افضل مروت کی پارٹی رکنیت ختم کرنے کا معاملہ معمہ بن گیا اور پی ٹی آئی میں اختلافات کھل کر سامنے آگئے۔
تفصیلات کے مطابق شیر افضل مروت پی ٹی آئی کے رکن ہے یا نہیں ؟ معمہ بن گیا ، پی ٹی آئی کورکمیٹی نے شیر افضل کی پارٹی رکنیت ختم کردی اور قومی اسمبلی کی رکنیت چھوڑنےکا بھی مطالبہ کیا گیا۔
کورکمیٹی ارکان نے دعوی کیا کہ شیرافضل کی بنیادی رکنیت ختم کرنےکی منظوری بانی پی ٹی آئی نےدی تھی۔
بعد ازاں چیئرمین پی ٹی آئی بیرسٹرگوہر نے شیرافضل کی رکنیت ختم کرنے کا نوٹیفکیشن جعلی قرار دے دیا۔
اے آر وائی نیوز سےگفتگو میں کہا کہ بطورپارٹی چیئرمین ایسےکسی اقدام کی منظوری نہیں دوں گا، اگرکسی نے ذاتی حیثیت میں فیصلہ کیاہےتوبھی منظورنہیں۔
تاہم کورکمیٹی کےارکان نےنوٹی فکیشن درست قرار دیتےہوئے بتایاکہ پارٹی رکنیت ختم کرنےکااعلامیہ فردوس شمیم نقوی کےدستخط سےجاری ہوا۔
شیرافضل نے بھی ردعمل میں کہا پارٹی فیصلےکااحترام کرتاہوں افسوس رہےگا مجھےباضابطہ سنے بغیریکطرفہ فیصلہ کیاگیا بانی پی ٹی آئی کاسپاہی تھا،ہوں اوررہوںگا۔
