The news is by your side.

Advertisement

شیر باز خان مزاری انتقال کر گئے

روجھان: بلوچستان کے بزرگ سیاست دان شیر باز خان مزاری کراچی میں انتقال کر گئے۔

تفصیلات کے مطابق بزرگ سیاست دان اور قومی اسمبلی کے سابق قائد حزب اختلاف سردار شیر باز مزاری انتقال کر گئے۔

خاندانی ذرایع نے سابق نگران وزیر اعظم میر بلخ شیر مزاری کے بھائی شیر باز مزاری کے انتقال کی تصدیق کر دی ہے، شیر باز مزاری کافی عرصے سے علیل تھے۔

شیرباز مزاری نظریات اور اصولوں کی سیاست پہ یقین رکھنے والے بزرگ بلوچ رہنما تھے۔

وزیر اعلی ٰپنجاب عثمان بزدار نے شیر باز خان مزاری کے انتقال پر افسوس کا اظہار کیا ہے، انھوں نے کہا سردار شیر باز خان مزاری نے لوگوں کی حقیقی معنوں میں خدمت کی، مرحوم کی سیاسی و سماجی خدمات کو تا دیر یاد رکھا جائے گا۔

سابق وزیر اعظم ظفر اللہ جمالی انتقال کرگئے

یاد رہے کہ چند دن قبل سابق وزیر اعظم میر ظفر اللہ جمالی 76 برس کی عمر میں انتقال کرگئے تھے، وہ چند دن سے وینٹی لیٹر پر موت اور زندگی کی جنگ لڑ رہے تھے۔

اے آر وائی نیوز کی رپورٹ کے مطابق ظفر اللہ خان جمالی کو 29 نومبر کو ہارٹ اٹیک کے بعد تشویش ناک حالت میں اسلام آباد کے اسپتال منتقل کیا گیا تھا جہاں اُن کی طبیعت سنبھل نہ سکی۔ موت سے چند دن قبل اُن کے انتقال کی افواہ بھی پھیلی تھی جس پر صدر مملکت عارف علوی نے بذریعہ ٹویٹ تعزیت کی اور پھر معذرت بھی کی تھی۔

Comments

یہ بھی پڑھیں