site
stats
کھیل

شہریارخان آئی سی سی اجلاس میں شرکت کرکے وطن پہنچ گئے

لاہور: پی سی بی چیئرمین شہریارخان انٹرنیشنل کرکٹ کونسل اجلاس میں شرکت کےبعد وطن پہنچ گئے، دوسری جانب عاقب جاوید اورمدثر نذر بھی دبئی سے لاہور پہنچ گئے ہیں۔

چیئرمین شہریار خان لاہور کے علامہ اقبال ائرپورٹ پرغیرملکی ایئرلائن کےذریعے پہنچے اور میڈیا سے گفتگو کیےبنا ہی روانہ ہوگئے۔

شہریار خان آئی سی سی کے سربراہ اجلاس میں شرکت کے لئے چند روز قبل دبئی گئے تھے، اجلاس میں بگ تھری کے معاملے پر تفصیلی تبادلہ خیال کیا گیا۔

ذرائع کا کہنا ہے کہ بگ تھری کے معاملے پرحتمی فیصلہ جون میں ہونے والے اجلاس میں کیا جائے گا۔

دوسری جانب اسی پرواز سے پی ایس ایل ٹیم لاہور قلندر کے نئے ڈائریکٹر اور متحدہ عرب امارات کرکٹ ٹیم کے سابق کوچ عاقب جاوید بھی نیشنل کرکٹ اکیڈمی کے نامزد ڈائریکٹرمدثر نذر کے ہمراہ دبئی سے لاہور پہنچ گئے ہیں، دونوں آج لاہور پریس کلب میں پریس کانفرنس کریں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top