شرمین چنائے ماڈل قندیل بلوچ کی زندگی پر فلم بنائیں گی -
The news is by your side.

Advertisement

شرمین چنائے ماڈل قندیل بلوچ کی زندگی پر فلم بنائیں گی

ملتان : آسکرایوارڈ یافتہ ہدایتکارہ شرمین عبید چنائے نے معروف شو بزماڈل قندیل بلوچ کی زندگی پر فلم سازی کا باقاعدہ آغازکردیا ہے،قندیل بلوچ کو غیرت کے نام پر قتل کردیا گیا تھا۔

تفصیلات کے مطابق آسکرایوارڈ یافتہ فلم سازشرمین عبید چنائے نے جولائی کے مہینے میں غیرت کے نام پرقتل ہونے والی معروف ماڈل اور سوشل میڈیا پرقابل اعتراض ویڈیو اور تصاویر اپ لوڈ کرنے والی قندیل بلوچ کی زندگی پر فلم بنا رہی ہیں۔

فلم کا موضوع ‘غیرت کے نام پر قتل’ ہے جو ایک غیر ملکی نشریاتی ادارے اور ایک بین الاقوامی این جی او کی شراکت سے تیار کی جارہی ہے۔

اسی سے متعلق : ماڈل قندیل بلوچ کو قتل کر دیا گیا

فلم کی کہانی میں قندیل بلوچ کے خاندان کا رہن سہن، عادت و اطوار، علاقائی رسومات و نظریات کو زیر بحث بنایا گیا ہے جب کہ فلم کا کلائمکس قندیل بلوچ کا اپنی روایات سے بغاوت کرنا اور پھر اُس کی پاداش میں موت کے گھاٹ اُتار دینا ہے۔

یہ بھی پڑھیں : اپنے رشتے دار حق نواز کے ساتھ مل کر قندیل کو قتل کیا، بھائی وسیم

واضح رہے کہ قندیل بلوچ کو ملتان کے مضافاتی علاقے مظفرگڑھ کے گرین ٹاون میں اپنے گھرہی میں سگے بھائی نے تشدد کے بعد گلہ گھونٹ کرقتل کردیا گیا تھا۔

Comments

comments

یہ بھی پڑھیں