The news is by your side.

Advertisement

پوری دنیا میں اسرائیل کے مظالم پر کوئی بات نہیں کرتا، شیریں مزاری

کراچی : پاکستان تحریک انصاف کی خاتون رہنما شیریں مزاری نے کہا ہے کہ اسرائیل کو پوری دنیا تحفظ دیتی ہے اس کے مظالم پر کوئی بات نہیں کرتا۔

القدس کانفرنس سے خطاب کرتے ہوئے انہوں نے کہا کہ القدس اور مسجداقصیٰ کیلئے آواز بلند کرنے کی ضرورت ہے، مسلمانوں کو کمزور کرنے کیلئے ان پر ظلم کیا جاتا ہے ہم خوفزدہ ہوتے ہیں کہ پابندیاں لگ جائیں گی۔

انہوں نے کہا کہ ایران کی مثال سامنے ہے وہ پابندیوں کے باوجود ترقی کررہا ہے، انشااللہ فلسطین آزاد ہوگا اور اسرائیل کو شکست ہوگی، دنیا میں فلسطین کے خلاف ہونے والے ظلم پر آوازیں اٹھ رہی ہیں۔

شیریں مزاری کا کہنا تھا کہ ہر مسلمان قیادت کا فرض ہے کہ وہ اسرائیل کو تسلیم نہ کریں، یو این اور ایمنسٹی انٹرنیشنل میں بھی اسرائیلی ظلم کو تسلیم کیا جارہا ہے، اسرائیل اور یہودیوں کی نسل کشی مسلمانوں نے تو نہیں کی۔

انہوں نے کہا کہ یورپ میں ہولوکاسٹ کے خلاف بات کرنا جرم ہے، عمران خان نے پوری دنیا میں اسلام و فوبیا سے متعلق آواز اٹھائی، مسلمان امن کی بات کرتے ہیں دنیا میں دہشت گردی کانام دیاجاتاہے۔

پی ٹی آئی رہنما نے کہا کہ اسرائیل جو کر رہا ہے وہ کیوں دنیا کو نظر نہیں آتا، اسرائیل کا نیو کلیئر پروگرام بھی دنیا سے چھپا ہوا ہے، القدس پر ہونیوالے حملے اور قبضے پر امت مسلمہ کو آواز اٹھانی چاہیے۔

شیریں مزاری نے اپنے خطاب میں کہا کہ ظلم کسی اور نے کیا اور سزا کسی اور کو مل کررہی ہے،
یورپ میں مسلمانوں پر ظلم وتشدد ہورہا ہے، یورپ میں خاص طور پرخواتین پرتشدد کیا جا رہا ہے۔

ان کا مزید کہنا تھا کہ فلسطین میں بچوں، بڑوں اور خواتین پرظلم ہورہا ہے، بوسنیا میں بھی مسلمانوں پر ظلم کیا جارہا ہے، اگر آپ کا ایمان مضبوط ہے تو کسی سے ڈرنےکی ضرورت نہیں۔

Comments

یہ بھی پڑھیں