The news is by your side.

Advertisement

مودی نے کشمیر کی خصوصی حیثیت ختم کرکے اعلان جنگ کردیا ہے، شیری رحمان

اسلام آباد : پیپلزپارٹی کی رہنما شیری رحمان نے کہا ہے کہ مودی نےکشمیر کی خصوصی حیثیت ختم کرکے اعلان جنگ کردیا ہے اور شق ختم کرکے جتا دیا کہ بھارت اشتعال انگیز ریاست ہے۔

تفصیلات کے مطابق پیپلزپارٹی کی رہنما سینیٹر شیری رحمان نے بھارت کی جانب سے آرٹیکل 370 ختم کرنے پر ردعمل دیتے ہوئے کہا مودی نے کشمیر کی خصوصی حیثیت ختم کرکے اعلان جنگ کردیا ہے اور یواین قرارداد اوربھارتی سپریم کورٹ کے فیصلوں کی دھجیاں اڑا دی ہیں۔

شیری رحمان کا کہنا تھا مودی نےشق ختم کرکے جتادیاکہ بھارت اشتعال انگیزریاست ہے، ریاست پاکستان کوکشمیر کے مسئلےپر مشترکہ حکمت عملی بنانا ضروری ہے، شیری رحمان

پی پی رہنما نے کہا بھارت سن لے! پاکستان کا بچہ بچہ کشمیریوں کے ساتھ ہے، ہم آزادی کے ان متوالوں کو تنہا نہیں چھوڑیں گے۔

ان کا مزید کہنا تھا کہ بھارت نےمقبوضہ کشمیرمیں سیاسی قیادت کونظربندکردیاہے، مودی نےاعلان کیےتھےکہ مقبوضہ کشمیرکی خصوصی حیثیت ختم کردوں گا۔

بی جےپی کاایک مخصوص رویہ رہاہے، بھارت میں لوگوں کوسرعام ماردیاجاتاہے بھارت میں باحیثیت مسلمان بھی سرجھکا کر چلنے پر مجبور ہیں، مذہب کی بنیاد پر تقسیم کی سیاست بی جے پی کے منشور کا حصہ ہے۔

یاد رہے بھارتی پارلیمنٹ کے اجلاس میں بھارتی وزیرداخلہ نے آرٹیکل370 ختم کرنے کا بل پیش کیا ، تجویز کے تحت غیر مقامی افراد مقبوضہ کشمیر میں سرکاری نوکریاں حاصل کرسکیں گے۔

بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کاعہدہ ختم کرکے اختیارات کونسل آف منسٹرز کو دے دیئے، جس کے بعد مقبوضہ کشمیرکی خصوصی حیثیت ختم ہوگئی۔

مزید پڑھیں : بھارت نےمقبوضہ کشمیرکی خصوصی حیثیت ختم کردی

خیال رہے آرٹیکل تین سو ستر مقبوضہ کشمیرکوخصوصی درجہ دیتے ہوئے کشمیر کو بھارتی آئین کا پابند نہیں کرتا، مقبوضہ کشمیر جداگانہ علاقہ ہے، جسے اپنا آئین اختیارکرنے کا حق حاصل ہے۔

دوسری جانب بھارتی اپوزیشن کا ایوان میں احتجاج کرتے ہوئے حکومت کا فیصلہ ماننے سے انکار کردیا ہے۔

خیال رہے مقبوضہ کشمیرمیں صورتحال انتہائی کشیدہ ہے ، لوگ گھروں میں محصورہوکررہ گئے، کشمیری رہنما محبوبہ مفتی،عمرعبداللہ اورسجاد لون سمیت دیگر رہنماؤں کوبھی نظربند کردیاگیا ہے۔

مقبوضہ وادی میں دفعہ ایک چوالیس نافدکر کےوادی میں تمام تعلیمی اداروں کو تاحکم ثانی بنداور لوگو ں کی نقل وحرکت پربھی پابندی عائد کردی گئی ہے، سری نگر سمیت پوری وادی کشمیرمیں موبائل فون، انٹرنیٹ، ریڈیو، ٹی وی سمیت مواصلاتی نظام معطل کردیاگیا ہے جبکہ بھارتی فورسز کے اہلکاروں نے پولیس تھانوں کا کنٹرول سنبھال لیا ہے۔

Comments

comments

یہ بھی پڑھیں