The news is by your side.

Advertisement

شکارپور‌میں ضمنی الیکشن، پیپلز پارٹی کے امتیاز شیخ کامیاب

شکار پور: پی ایس گیارہ کے ضمنی انتخاب میں‌ پیپلز پارٹی کے امیدوار امیتاز شیخ نے میدان مار لیا، جے یو آئی کے امیدوار ناصر سومرو دوسرے نمبر پر رہے، آصف زرداری نے کا ہے کہ یہ کامیابی پیپلز پارٹی کی کامیابیوں کا ثمر ہے ۔

اطلاعات کے مطابق شکارپور کے صوبائی حلقے پی ایس گیارہ کا انتخابی معرکہ پاکستان پیپلز پارٹی کے امیدوار امتیاز شیخ نے جیت لیا، ضمنی انتخاب کے غیر سرکاری غیر حتمی نتائج کے مطابق امیتاز شیخ نے 36 ہزار 200 ووٹ حاصل کیے۔

ان کے مدمقابل جے یو آئی کے امیدوار ناصر محمود سومرو 27 ہزار 400 ووٹ لے کر دوسرے نمبر پر رہے اس طرح امیتاز شیخ کو اپنے قریبی مخالف پر 8 ہزار 80  ووٹوں کی برتری حاصل رہی۔

واضح رہے کہ امیتاز شیخ نے مسلم لیگ فنکشنل چھوڑکر پیپلز پارٹی میں شامل ہونے کے بعد یہ نشست چھوڑی تھی اور اب وہ اپنی اسی نشست سے دوبارہ کامیاب ہوگئےتاہم اس بار ان کا سیاسی پلیٹ فارم تبدیل تھا۔

سابق صدر اور پیپلز پارٹی کے شریک چیئرمین آصف زرداری نے امتیاز شیخ کو مبارک باد دیتے ہوئے کہا ہے کہ یہ کامیابی پیپلز پارٹی کی کامیابیوں کا ثمر ہے۔

Comments

comments

یہ بھی پڑھیں