site
stats
سندھ

شکارپور: پولیس چوکی پرڈاکوؤں کی فائرنگ، دو اہلکار شہید

شکارپور : پولیس چوکی پرڈاکوؤں کی فائرنگ سے دو پولیس اہلکار شہید ہو گئے۔

تفصیلات کے مطابق شکار پور کے علاقے لکھی غلام شاہ کےقریب مسلح ڈاکوؤں نے پولیس چوکی پر دھاوا بول دیا، ڈاکوؤں کی اندھا دھند فائرنگ سے دو اہلکار موقع پر شہید ہوگئے۔

پولیس ذرائع کےمطابق محمودآباد پولیس چوکی پر پانچ مسلح ڈاکوؤں نے کلاشنکوف سے فائرنگ کر دی جس کے نتیجے میں چوکی میں موجود دونوں پولیس اہلکار موقع پر جاں بحق ہو گئے جن کی لاشیں سول اسپتال شکارپورمنتقل کردی گئیں ہیں ۔

ڈاکو فرارہوتےہوئےشہید اہلکاروں کا اسلحہ بھی لےگئے۔ واقعہ کے بعد پولیس نے علاقے کی ناکہ بندی کردی تاہم اب تک کوئی گرفتاری عمل میں نہیں آئی۔

اہلکاروں کے قتل کا مقدمہ تاحال درج نہیں ہوا۔ ڈاکوؤں کی فائرنگ سےشہید اہلکار حاجی محمد میاں چنوں جبکہ غلام رسول نوشہروفیروز کا رہائشی ہے۔ پوسٹ ماٹم کے بعد لاشیں آبائی شہروں میں روانہ کر دی گئیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top