بھارت کے سابق کرکٹر شیکھر دھون نے گرل فرینڈ سوفی شائن سے باضابطہ منگنی کا اعلان کردیا۔
فوٹو اور ویڈیو شیئرنگ ایپ انسٹاگرام پر شیکھر دھون نے گرل فرینڈ سوفی شائن سے منگنی کا اعلان کیا اور سوفی شائن نے شیکھر کے ساتھ تصویر بھی شیئر کی جو وائرل ہوگئی۔
شیکھر دھون اور سوفی شائن دبئی میں چیمپئنز ٹرافی کے میچ کے دوران ساتھ دیکھے گئے تھے۔
منگنی کے اعلان پر شیکھر دھون نے انسٹاگرام پر لکھا کہ مشترکہ مسکراہٹوں سے مشترکہ خوابوں تک۔ ہماری منگنی پر ملنے والی محبت، دعاؤں اور نیک تمناؤں کے لیے شکر گزار ہوں، ہم نے ہمیشہ کے لیے ایک ساتھ چلنے کا انتخاب کیا ہے۔
View this post on Instagram
خیال رہے کہ سوفی شائن آئی پی ایل کے دوران پنجاب کنگز کے میچز میں بھی کرکٹر کی مستقل حامی نظر آتی رہی ہیں۔
یہ پڑھیں: بھارت اور بنگلادیش کے میچ میں شیکھر دھون کے ساتھ یہ ’مسٹری گرل‘ کون ہے؟
شیکھر دھون اور سوفی شائن کی ملاقات متحدہ عرب امارات میں ہوئی جہاں سوفی اس وقت مقیم ہیں۔
View this post on Instagram
بھارتی میڈیا کی ایک رپورٹ کے مطابق دھون اور سوفی شائن فروری میں شادی کے بندھن میں بندھ سکتے ہیں۔واضح رہے کہ کرکٹر کی پہلی شادی علیحدگی پر ختم ہوگئی جن سے ان کا ایک بیٹا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں