تازہ ترین

حسن نواز اور حسین نواز تین بڑے مقدمات میں بری

اسلام آباد : احتساب عدالت نے سابق وزیرِاعظم میاں...

سوشل میڈیا پر مذہبی و لسانی منافرت پھیلانے والے 462 اکاؤنٹس بند

اسلام آباد : سوشل میڈیا پر مذہبی اور لسانی...

قوم دہشتگردی کے خاتمے تک پاک فوج کے شانہ بشانہ کھڑی ہے، وزیراعظم

اسلام آباد: وزیراعظم شہباز شریف کا کہنا ہے کہ...

شلپا شیٹھی اور شوہر کے خلاف مقدمہ درج

ممبئی: بالی ووڈ انڈسٹری کی اداکارہ شلپا شیٹھی اور اُن کے شوہر راج کندرا کے خلاف دھوکا دہی کا مقدمہ درج کرلیا گیا۔

بھارتی میڈیا رپورٹ کے مطابق فحش فلم کیس میں گرفتار ہونے والے بالی ووڈ اداکارہ کےشوہر اور معروف کاروباری شخصیت راج کندرا ایک بار پھر نئی مشکل میں پھنس گئے۔

رپورٹ کے مطابق بھارت سے تعلق رکھنے والی کاروباری شخصیت نے شلپا شیٹھی اور اُن کےشوہر راج کندرا کے خلاف فراڈ کا مقدمہ درج کرایا اور دعویٰ کیا کہ اُن کے ساتھ 2014 میں دونوں نے ایک کروڑ 51 لاکھ بھارتی روپے کا دھوکا کیا۔

ممبئی کے تھانے باندرا میں درج کیے گئے مقدمہ میں ٹی وی کے مینیجنگ ڈائریکٹر کاشف خان سمیت دیگر کو بھی نامزد کیا گیا ہے۔

مزید پڑھیں: شلپا شیٹھی کا شوہر سے علیحدگی پر غور

ایف آئی آر میں درخواست گزار نے مؤقف اختیار کیا کہ کاشف خان، شلپا شیٹھی اور راج کندرا نے پونے یوتھ یاش بارائی کے ساتھ ہونے والے معاہدے میں دھوکا دہی کی اور اس کی خلاف ورزی بھی کی۔ درخواست گزار کے مطابق یہ معاہدہ جولائی 2014 میں طے پایا تھا۔

درخواست گزار نے بتایا کہ شلپا شیٹھی اور اُن کے شوہر نے فٹنس انٹررپرائز کا ایک منصوبہ شروع کیا تھا، جس میں انہوں نے ملک بھر کے سرمایہ کاروں کو ماہانہ منافع کا لالچ دے کر رقم وصول کی اور واپسی کے تقاضے پر دھمکیاں بھی دیں۔

مدعی نے جوڑے پر یہ الزام بھی عائد کیا کہ اپنے ایک کروڑ 51 لاکھ روپے کا مطالبہ کیا  تو شلپا اور راج نے سنگین نتائج کی دھمکیاں بھی دیں۔ دوسری جانب شلپا شیٹھی ، راج کندرا یا مقدمے میں نامزد افراد کی جانب سے مقدمہ اندراج پر کوئی وضاحت جاری نہیں کی گئی۔

یہ بھی پڑھیں: شوہر کی گرفتاری، شلپا شیٹھی نے خاموشی توڑ دی

واضح رہے کہ رواں برس  19 جولائی کو راج کندرا کو فحش مواد تیار کرنے اور اسے او ٹی ٹی پلیٹ فارمز پر نشر کرنے کے الزام میں گرفتار کیا گیا تھا۔ بعد ازاں ممبئی ہائی کورٹ نے انہیں 20 ستمبر کو  ضمانت دی اور پچاس ہزار روپے زر ضمانت جمع کروانے کا حکم دیا تھا۔

Comments

- Advertisement -
عمیر دبیر
عمیر دبیر
محمد عمیر دبیر اے آر وائی نیوز میں بحیثیت سب ایڈیٹر اپنے فرائض انجام دے رہے ہیں