ممبئی : پراپرٹی ایجنٹ نے زمین کی خریداری کے معاملے پر جعلی دستاویزات دکھا کر اداکارہ شیلپا شیٹھی کی والدہ سے تین کروڑ سے زائد رقم اینٹھ لی۔
غیر ملکی خبر رساں ادارے کی رپورٹ کے مطابق شوہر کی گرفتاری کے باعث مشکلات میں پھنسی بالی ووڈ اداکارہ شیلپا شیٹھی کی والدہ بھی بڑی مشکل میں پھنس گئیں۔
اداکارہ کی والدہ سنندا شیٹھی کا کہنا تھا کہ پراپرٹی ایجنٹ نے جعلی دستاویزات دکھا کر ضلع رائے گڑھ سے متصل ایک کروڑ 60 لاکھ بھارتی روپے ( 3 کروڑ سے زائد پاکستانی روپے) کی اراضی کا معاہدہ کیا تھا۔
اداکارہ کی والدہ کو جب دھوکا دہی کا علم ہوا تو انہوں نے پراپرٹی ایجنٹ سے رقم کی واپسی کا مطالبہ کیا تاہم سدھار نامی ایجنٹ نے رقم لوٹانے سے انکار کردیا۔
ایجنٹ کے انکار کے بعد سنندا شیٹھی نے پراپرٹی ایجنٹ کے خلاف جعل سازی اور دھوکا دہی کا مقدمہ جوہو تھانے میں درج کروا دیا۔
بھارتی پولیس کا کہنا ہے کہ مقدمہ درج کروانے کے بعد اب تک کوئی گرفتاری عمل میں نہ آسکی ہے تاہم تفتیش کا سلسلہ جاری ہے۔
واضح رہے کہ معروف بالی ووڈ اداکارہ شلپا شیٹھی کے شوہر راج کندرا کو پولیس نے پورنو گرافی کے الزام میں گرفتار ہیں۔
اداکارہ کے شوہر کو رواں کے وسط میں گرفتار کیا گیا تھا، مبئی پولیس کرائم برانچ نے راج کندرا کو اس کیس سے متعلق پوچھ گچھ کے لیے طلب کیا تھا، راج کندرا کے خلاف فحش فلمیں بنانے اور جے ایل اسٹریم نامی ایپ پر اپ لوڈ کرنے کا کیس رواں برس فروری میں درج ہوا تھا۔
