تازہ ترین

رات کے اندھیرے میں چمک دار اور آنکھوں کو خیرہ کردینے والی حیران کن سڑکیں

سنگاپور: سنگاپور میں انجینئرز نے ایسی سڑکیں تیار کرلی ہیں جو رات کے اندھیرے میں دلفریب روشنی خارج کر کے دیکھنے والوں کو رہنمائی فراہم کرتی ہیں۔

تفصیلات کے مطابق سنگاپور میں چاؤ چو کانگ روڈ اور اپر بیوکٹ ٹیما روڈ کے درمیان400 کلومیٹر طویل سڑک تعمیر کی گئی ہے جسے ریل کوریڈور بھی کہا جاتا ہے۔

سنگاپور کے ماہرین نے اس سڑک کو چار حصوں میں تقسیم کیا ہے، ایک جگہ عام سڑک ہے، دوسری اور تیسری پر گھاس اور عام کنکریٹ جبکہ سڑک کے چوتھے حصے پر قدرے محفوظ معدنی اسٹرانشیئم ایلومینیٹ بچھایا گیا ہے جو رات کے اوقات میں چمک دمک کے ساتھ خوبصورت روشنی خارج کرتا ہے۔

اسٹرانشیئم ایلومینیٹ کی خاصیت یہ ہے کہ یہ دن بھر سورج سے خارج ہونے والی الٹرا وائیلٹ روشنی جذب کرتا ہے اور رات کو دھیمی روشنی کی صورت میں اسے خارج کرتا ہے۔

سنگاپور انتظامیہ نے عوام سے وہاں کا دورہ کرنے اور اپنی رائے دینے کو کہا ہے تاکہ ان روشنی خارج کرنے والی سڑکوں کو مزید بہتر بنایا جا سکے۔

مزید پڑھیں: دنیا کے چند ایسے دہشت ناک مقامات جن کو دیکھ کر رونگٹے کھڑے ہوجائیں

Comments

- Advertisement -