The news is by your side.

Advertisement

پاک بحریہ کے لیے کراچی شپ یارڈ میں جہاز تیار

کراچی: کراچی شپ یارڈ میں پاک بحریہ کے لیے تیار شدہ جہاز کی لانچنگ تقریب منعقد ہوئی، جہاز مقامی طور پر تیار شدہ، ملٹی مشن اور جدید اینٹی شپ میزائل و سینسرز سے لیس ہوگا۔

تفصیلات کے مطابق پاک بحریہ کے لیے کراچی شپ یارڈ میں تیار جہاز فاسٹ اٹیک کرافٹ (میزائل) 4 کی لانچنگ تقریب منعقد ہوئی۔ تقریب کراچی شپ یارڈ اینڈ انجینئرنگ ورکس میں منعقد ہوئی۔

ترجمان پاک بحریہ کے مطابق مقامی طور پر پاک بحریہ کے لیے تیار شدہ جہاز میزائل کرافٹ ہے، جہاز ملٹی مشن اور جدید اینٹی شپ میزائل و سینسرز سے لیس ہوگا۔

تقریب میں مینیجنگ ڈائریکٹر شپ یارڈ رئیر ایڈمرل اطہر سلیم نے جہاز سازی کے منصوبے پر روشنی ڈالی، ریئر ایڈمرل اطہر سلیم نے اقدام کو خود انحصاری کیطرف اہم سنگ میل قرار دیا۔

تقریب کی مہمان خصوصی وزیر دفاعی پیداوار زبیدہ جلال تھیں۔

تقریب سے خطاب کرتے ہوئے انہوں نے کہا کہ کراچی شپ یارڈ کا جہازوں کی تعمیر اور خود انحصاری کے ہدف میں اہم کردار ہے، وزارت دفاعی پیداوار بھی نئے شپ یارڈز کے قیام کے لیے کوشاں ہے۔

fb-share-icon0
Tweet 20

Comments

comments

یہ بھی پڑھیں