The news is by your side.

Advertisement

کراچی : سی ویو پر پھنسے جہاز کو نکالنے کیلئے آپریشن جاری

کراچی : ساحل سمندر سی ویو پر پھنسے جہاز کو نکالنے کیلئے آپریشن ایک بار پھر شروع کردیا گیا، جہاز کو پورٹ پر لے جا کر مکمل سروے کیا جائے گا۔

اس حوالے سے شپنگ ایجنٹ کا کہنا ہے کہ گزشتہ روز خراب موسم کے باعث آپریشن روک دیا گیا تھا، جہاز کو نکالنے کے بعد پورٹ پر سیف برتھ کیا جائے گا۔

کے پی ٹی کے تعاون سے دو ٹگس، بارج سے جہاز ہینگ ٹونگ 77 کو نکالنے کی کوشش کی جائے گی، آپریشن میں حصہ لینے والے ٹگس60 بولارڈ پاور کے ہیں۔

600سے 800میٹر سے میسنجر رسوں،انجیر سے جہاز کو کھینچا جائے گا، جہاز پانی میں کھینچنے ٹگس، بارج جہاز کو پورٹ کی جانب لے جانے کی کوشش کریں گے۔

ذرائع کے مطابق جہاز کے اطراف سے راستہ بنانے کا کام شروع کر دیا گیا، جہاز کو نکالنے کیلئے ٹگس اور بارج مقامی کمپنی کی استعمال کی جائیں گی۔

آپریشن میں میری ٹائم سیکیورٹی، پاک بحریہ اور کے پی ٹی کی ٹیمیں حصہ لے رہی ہیں، جہاز پانی میں کھینچنے کے بعد پورٹ کی جانب لے جانے کی کوشش کی جائے گی۔

واضح رہے کہ وزارتِ جہاز رانی نے کراچی کے ساحل پر پھنسنے والے نجی کمپنی کے مال بردار جہاز ہینگ ٹانگ 77 کو ناکارہ قرار دیتے ہوئے قبضے میں لے لیا ہے۔

اس سلسلے میں وفاقی وزیر بحری امور علی زیدی نے اپنے ٹوئٹرت پیغام میں کہا ہے کہ جہاز کو پورٹ اسٹیٹ رول کے تحت تحویل میں لیا گیا، کمزور انجن، خراب نیوی گیشن آلات کی وجہ سے جہاز چلنے کے قابل نہیں رہا۔

مزید پڑھیں : پاکستان کا کراچی کے ساحل پر دھنسنے والے جہاز کو قبضے میں‌ لینے کا فیصلہ

علی زیدی کا اپنے ٹوئٹ میں مزید کہنا تھا کہ جہاز اپنے ناکارہ فائر فائٹنگ سسٹم کے باعث بحری راستے اور دیگر جہازوں کیلئے خطرہ بن گیا ہے۔

Comments

یہ بھی پڑھیں