The news is by your side.

Advertisement

متحدہ کے رکن سندھ اسمبلی شیرازوحید کی ضمانت منظور

کراچی : اشتعال انگیز تقریر میں معاونت کے الزام میں گرفتار متحدہ قومی موومنٹ پاکستان کے رکن سندھ اسمبلی شیراز وحید کی درخواست ضمانت منظور کرلی گئی، جلد رہائی کا امکان ہے۔

تفصیلات کے مطابق گذشتہ دنوں مئیر کراچی وسیم اختر کو ضمانت ملی تھی تو آج متحدہ پاکستان کے ایم پی اے شیراز وحید کی درخواست ضمانت انسداد دہشت گردی کی عدالت نے منظور کرلی۔ انہیں اشتعال انگیز تقریر میں معاونت کے الزام میں گرفتار کیا گیا تھا

انسداد دہشت گردی کی عدالت میں ایم پی اے شیراز وحید کی درخواست کی سماعت ہوئی۔ گواہوں کی عدم حاضری پر عدالت نے برہمی کا اظہار کیا۔

مزید پڑھیں : متحدہ کے اراکین اسمبلی شیرازوحید، آصف حسنین گرفتار

شیراز وحید نےعدالت کو بتایا کہ رینجرز نے 22 اگست کی تقریر کے بارے میں پوچھ گچھ کی۔ عدالت نے شیراز وحید کی ضمانت منظور کرتے ہوئے 10 لاکھ روپے کے مچلکے جمع کرا نے کی ہدایت کی اور 5 مفرور ملزمان کو اشتہاری قرار دے دیا۔

ادھرایک مقامی عدالت نے ایم کیو ایم لندن کے گرفتار 7 کارکنوں کی ضمانت منظور کرلی، کارکنوں کو نقص امن پر دو روز قبل عزیز آباد سے گرفتار کیا گیا تھا۔

Print Friendly, PDF & Email

Comments

comments

یہ بھی پڑھیں