The news is by your side.

Advertisement

معذور افراد کے لیے خوشخبری

اسلام آباد : وفاقی وزیر برائے انسانی حقوق شیریں مزاری نے کہا ہے کہ معذوروں کے لیے قانون اسمبلی میں جلد پیش ہوگا ،لازم ہوگا کہ ملازمت کی جگہ پر معذور افراد کو سہولتیں دی جائیں۔

تفصیلات کے مطابق وفاقی وزیر برائے انسانی حقوق شیریں مزاری نے اپنے بیان میں کہا معذوروں کےلیےقانون آنے والا ہے اور جلد اسمبلی میں پیش کیا جائے گا، لازم ہوگا ملازمت کی جگہ پر معذور افراد کو سہولتیں دی جائیں۔

شیریں مزاری کا کہنا تھا کہ ریاست لوگوں پر احسان نہیں کررہی بلکہ یہ حکومت کا فرض ہے ، چانسلرز کومفت تعلیم اورفیس میں کمی کاخط لکھا تاحال جواب نہیں ملا، بچے بچیاں جو زندگی میں کرنا چاہتے ہیں انہیں وہ موقع فراہم کریں گے۔

مزید پڑھیں : وزیراعظم عمران خان کی معذوروں اور بزرگوں افراد کی سہولت کیلئے خصوصی اقدامات کی ہدایت

یاد رہے وزیراعظم عمران خان نے تمام وزارتوں کو معذور افراد اور بزرگ شہریوں کے لئے خصوصی اقدامات کرنے کی ہدایت کی تھی ، جس کے بعد ملک بھرکی ہائی ویز، موٹرویز پر معذوروں اوربزرگوں کے لئے اقدامات شروع کردیئے گئے تھے۔

اس سے قبل جون میں وزیر اعظم کی مشیر برائے سماجی تحفظ ڈاکٹر ثانیہ نشتر نے کہا تھا کہ معذور افرادکو احساس پروگرام کے تحت انصاف کارڈ جاری کرنے کا فیصلہ کیا گیا ہے ، ملک میں 50 لاکھ معذور افراد ہیں، جن میں اکثریت نابینا افراد کی ہے، ان تمام افراد کو انصاف کارڈ مہیا کیا جائے گا۔

ثانیہ نشتر کا کہنا تھا کہ معذور افراد کو سفید چھڑی اور وہیل چیئر مہیا کی جا رہی ہیں، جلد ہی معذور افراد کو آلہ سماعت بھی مہیا کریں گے.

Comments

comments

یہ بھی پڑھیں