اسلام آباد: وفاقی وزیر برائے انسانی حقوق شیریں مزاری نے کہا ہے کہ ساہیوال واقعے کے ذمہ داروں کو سخت سے سخت سزا ملنی چاہیے.
ان خیالات کا اظہار انھوں نے قومی اسمبلی میں تقریر کرتے ہوئے کیا، انھوں نے کہا کہ ان کاؤنٹز پچھلی حکومتوں کے دور سے ہو رہے ہیں، ن لیگ حکومت میں تھی، مگر نقیب کیس پر راؤ انوار کے خلاف کمیٹی نہیں بنائی، یہ نہیں ہوسکتا کہ دہشت گردی روکنے والے خود دہشت گردبن جائیں.
[bs-quote quote=”ماضی میں جو ظلم ، تشدد پولیس کے ذریعے کیا جاتا رہا ہے، ہمیں اسے ختم کرنا ہوگا” style=”style-7″ align=”left” author_name=”شیریں مزاری”][/bs-quote]
شیریں مزاری نے کہا کہ شہبازشریف اور خواجہ آصف وزیراعظم کے ٹوئٹ کا غلط مطلب بتا رہے ہیں، وزیراعظم نے سی ٹی ڈی کی تعریف نہیں کی، میں اردومیں بتادیتی ہوں، سوال یہ ہے کہ سانحہ ماڈل ٹاؤن پر انصاف کیوں نہیں ملا، راؤ انوار کو کیوں کھلا چھوڑا گیا.
انھوں نے کہا کہ پچھلی حکومتوں نے قوانین کو تباہ کرکے رکھ دیا، ماضی میں ن لیگ کی حکومت نے پولیس کو سیاسی بنائے رکھا، ہماری حکومت اب تک ماضی کی غلطیوں کا خمیازہ بھگت رہی ہے، ن لیگ کے دورحکومت کا کیا دھرا ہمیں وراثت میں ملا .
ضرور پڑھیں: عوام ساہیوال واقعے کے حقائق جاننا چاہتے ہیں: شہباز شریف
شیریں مزاری کا کہنا تھا کہ پچھلے ادوار میں پنجاب پولیس ان کاؤنٹز کرتی رہی، ماضی میں جو ظلم ، تشدد پولیس کے ذریعے کیا جاتا رہا ہے، ہمیں اسے ختم کرنا ہوگا، سندھ ،پنجاب پولیس کی ری اسٹرکچرنگ ہونی چاہیے، اب اس کلچر کو ختم کرنے کا وقت آگیا ہے، اب جو قانون توڑے گا، اسے سزا بھی ملے گا.
ان کا کہنا تھا کہ ساہیوال واقعے کی مکمل تحقیقات ہونی چاہییں، ملزمان کو مثالی سزا ملنی چاہیے، راؤ انوار جیسے افراد کسی صورت قبول نہیں، ماضی کی حکومتوں نے جو گند کیا تھا، ہم اسی کو برداشت کررہے ہیں، اپوزیشن بینچز میں کئی افراد ایسے ہیں، جو ماضی میں ان کاؤنٹرز پر سرپرستی کرتے رہے.
