The news is by your side.

Advertisement

امریکی ملٹری اتاشی کو نواز شریف کے بیان کے بعد چھوڑا گیا، شیریں مزاری

اسلام آباد : پاکستان تحریک انصاف کی رہنما شیریں مزاری نے کہا ہے کہ نواز شریف کے بیان کے بعد امریکی ملٹری اتاشی کو چھوڑ دیا گیا، یہ فیصلہ کس کے حکم پر کیا گیا؟

ان خیالات کا اظہار انہوں نے اے آر وائی نیوز کے پروگرام پاور پلے میں میزبان ارشد شریف سے خصوصی گفتگو کرتے ہوئے کیا، انہوں نے کہا کہ امریکی ملٹری اتاشی کو کس کے حکم پر چھوڑا گیا ہے، سابق وزیر اعظم نواز شریف کا بیان آیا دوسری طرف کرنل جوزف کو چھوڑ دیا گیا۔

شیریں مزاری نے مزید کہا کہ قومی سلامتی کمیٹی کے اجلاس میں کچھ بھی نہیں ہوا، کمیٹی کے اجلاس میں صرف نواز شریف کے بیان کو مسترد کیا گیا، ان کیخلاف ایکشن پر کوئی فیصلہ نہیں کیا گیا

رہنما پی ٹی آئی نے کہا کہ موجودہ وزیر اعظم شاہد خاقان عباسی کہتے ہیں کہ میں بطور وزیراعظم نوازشریف کے ساتھ ہوں، اس سے ثابت ہوگیا کہ شاہد خاقان قوم کے ساتھ نہیں بلکہ نوازشریف کے ساتھ ہیں، تحریک انصاف نے اسی لیے وزیراعظم سے استعفے کا مطالبہ کیا ہے۔

مزید پڑھیں: پاکستانی نوجوان کو کچلنے والے امریکی ملٹری اتاشی کوامریکا روانہ کردیا گیا: سفارتی ذرایع

شیریں مزاری نے مطالبہ کیا کہ نوازشریف کے بچوں کی بھارت میں سرمایہ کاری کی تحقیقات کی جائیں، بھارتی تجزیہ کاروں کے مطابق نوازشریف بھارت کاحامی ہے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں