شاہ رخ خان کو امریکہ سے واپس آجانا چاہئے تھا، شیو سینا -
The news is by your side.

Advertisement

شاہ رخ خان کو امریکہ سے واپس آجانا چاہئے تھا، شیو سینا

ممبئی : شیو سینا کا کہنا ہے کہ بالی ووڈ اداکار شاہ رخ خان کو امریکہ میں اتنی ذلت کے بعد حب الوطنی کا مظاہرہ کرتے ہوئے ہندوستان لوٹ جانا چاہئے تھا، حال ہی میں شاہ رخ خان کو امریکہ کے ائیرپورٹ پر روک لیا گیا تھا۔

بھارتی میڈیا کے مطابق چند روز قبل بالی ووڈ اداکار شاہ رخ کو ایک امریکی ہوائی اڈے پر روکے جانے پر شیو سینا نے شاہ رخ خان کو تنقید کا نشانہ بناتے ہوئے کہا کہ سب سے بڑے امریکی ہوائی اڈے پر شاہ رخ کو روکے جانے کا واقعہ انکے لئے عام سی بات ہے، شارخ خان ٖصرف بار بار ذلیل ہونے امریکہ جاتے ہیں۔

انکا مزید کہنا تھا کہ شاہ رخ خان کو حب الوطنی کا مظاہرہ کرتے ہوئے واپس آجانا چاہیے تھا اور امریکہ کو بتانا چاہئے تھا کہ اگر وہ بار بار اس طرح میری توہین کریں گے تو انکے ملک میں نہیں آؤں گا۔

شیو سینا نے کہا کہ اگر وہ ایسا کرتے تو یہ امریکہ پر ایک تھپڑ ہوتا، امریکہ ہر مسلمان کو دہشتگرد سمجھتا ہے۔

یاد رہے کہ چند روز قبل بالی ووڈ اداکار شاہ رخ کو ایک امریکی ہوائی اڈے پر روک لیا گیا تھا اور ،امیگریشن حکام نے بھارتی اداکار کو روک کرپوچھ گچھ کی۔


 

مزید پڑھیں: شاہ رخ خان کو لاس اینجلس ایئرپورٹ پر روک لیا گیا


 

شاہ رخ خان کا کہنا تھا کہ وہ سیکیورٹی کا احترام کرتے ہیں لیکن ہر بار امریکی امیگریشن حکام کی جانب سے انہیں روکا جانا افسوس ناک ہے۔

بالی ووڈ کنگ کو سات سال میں تیسری بار کسی بھی امریکی ہوائی اڈے پر روکا گیا۔


 

مزید پڑھیں : شاہ رخ خان پاکستانی ایجنٹ ہے


 

واضح رہے کہ  اس سے قبل سپر اسٹار شاہ رخ خان کے ہندوستان میں بڑھتی ہوئی عدم برداشت کے بیان پر ہندو انتہا پسند تنظیم شیو سینا نے تنقید کا نشانہ بنایا تھا اور انھیں پاکستانی ایجنٹ قرار دیا تھا ،

 

Comments

comments

یہ بھی پڑھیں