ممبئی: انتہا پسند ہندوتنظیم شیوسینا نے پاکستان کا دورہ کرنے پر اپنے ہی وزیراعظم کو شدید تنقید کا نشانہ بنا ڈالا، شیوسینا کا کہنا ہے کہ جس نے پاکستان کا دورہ کیا اس کا سیاسی کیرئیر ختم ہوگیا۔
بھارتی میڈیا کے مطابق وزیراعظم نریندرمودی کی بی جے پی کی اتحادی شیوسینا نے دورہ پاکستان پر نریندری مودی پر شدید تنقید کرتے ہوئے کہا کہ جس بھارتی سیاستدان نے پاکستان کا رخ کیا اس کا کیرئیر ہی ختم ہوگیا، ایل کے ایڈوانی اوراٹل بہاری واجپائی اس کی مثال ہیں۔
شیوسینا کا کہنا ہے کہ مودی یقیناً واجپائی جیسا انجام نہیں چاہئیں گے، مودی کے پاکستان جانے سے دنیا کو غلط تاثرگیا ایسا لگا کہ بھارت دباؤ میں ہے۔
مودی کے اس متنازعہ قدم نے ملک کی ساکھ کے بارے میں سوالیہ نشان اٹھا دیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں