The news is by your side.

Advertisement

شیو سینا کا سلمان خان کو پاکستان چلے جانے کا مشورہ

ممبئی: ہندو انتہا پسند تنظیم شیو سینا نے سلمان خان کو پاکستانی فنکاروں کی حمایت میں بیان دینے پر سبق سکھانے کی دھمکی دیتے ہوئے کہا ہے کہ سلمان خان کو پاکستانی فنکاروں سے محبت ہے تو وہ پاکستان چلے جائیں۔


Shiv Sena criticizes Salman Khan over pro… by arynews

سلمان خان نے بھارتیوں کو آئینہ دکھایا تو بھارتی انتہا پسند برا مان گئے۔ سلمان خان کی جانب سے پاکستانی فنکاروں کی حمایت پر انتہا پسند تنظیم شیوسینا نے انہیں کھلے عام دھمکیاں دینی شروع کردیں اور انہیں سبق سکھانے کا عندیہ دیا۔

شیو سینا کی رہنما منیشا کایاندے کا کہنا تھا کہ سلمان خان کو پاکستانی فنکاروں سے اتنی ہی محبت ہے تو وہ پاکستان چلے جائیں۔

واضح رہے کہ ایک روز قبل سلمان خان نے پاکستانی اداکاروں پر بھارت میں کام کرنے کی پابندی کی مخالفت کی تھی۔ سلمان خان کا کہنا تھا کہ اداکار دہشت گرد نہیں ہوتے۔ ان کے بیان کے فوری بعد شیو سینا نے سخت ردعمل ظاہر کرتے ہوئے انہیں سنگین نتائج کی دھمکیاں دیں تھی۔

ایک اور ہندو انتہا پسند تنظیم ایم این ایس کے سربراہ راج ٹھاکرے بھی سلمان خان کی فلموں پر پابندی لگانے کی دھمکی دے چکے ہیں۔ وہ واضح طور پر کہہ چکے ہیں کہ جن فلموں میں پاکستانی اداکار شامل ہیں وہ ان کی نمائش اس وقت تک نہیں ہونے دیں گے جب تک ان پر عکس بند کیا گیا حصہ فلم سے خارج نہیں کردیا جاتا۔

تاہم سلمان خان نے راج ٹھاکرے کو فون کر کے درخواست کی تھی کہ پاکستانی اداکار فواد خان اور ماہرہ خان سمیت دیگر پاکستانی اداکاروں کی فلمیں ریلیز کرنے کی اجازت دی جائے۔

حالیہ پاک بھارت کشیدگی کے تناظر میں دو روز قبل بھارتی فلم پروڈیوسرز ایسوسی ایشن نے پاکستانی فنکاروں اور پاکستانی پروڈکشن اسٹاف پر بھارت میں کام کرنے پر پابندی عائد کردی تھی۔ ایسوسی ایشن نے حالات ٹھیک ہونے تک پاکستانی فنکاروں کو کام نہ دینے کا اعلان کیا تھا۔

دوسری جانب مختلف بالی ووڈ اداکاروں نے بھی اس معاملہ پر مختلف تاثرات کا اظہار کیا۔ اکثریت نے پاک بھارت جنگ کی حمایت کرتے ہوئے پاکستانی فنکاروں پر پابندی کے اقدام کو درست قرار دیا۔

Comments

comments

یہ بھی پڑھیں