لاہور : پنجاب کے دارلحکومت لاہور میں ایس ایچ او شاہدرہ صغیر میتلا نے منشیات فروش سے 3 کروڑ روپے رشوت لی، جس پر ڈی آئی جی آپریشنز نے ایس ایچ او شاہدرہ کو معطل کر دیا۔
تفصیلات کے مطابق لاہور کا ایس ایچ او منشیات فروشوں کاسہولت کارنکلا ، ایس ایچ او شاہدرہ صغیر میتلا نے 3 کروڑ روپے رشوت لی۔
ایس ایچ او شاہدرہ صغیرمیتلا انکوائری میں پیش ہونے کی بجائے فرار ہوگئے ، جس کے بعد ڈی آئی جی آپریشنز نے ایس ایچ او شاہدرہ کو معطل کر دیا۔
چند روز قبل ایس ایچ شاہدرہ نے 3 منشیات فروش پکڑ کر بھاری مقدارمیں منشیات برآمد کی اور 3 کروڑ روپے رشوت لیکر منشیات کی مقدارکم کر کےمقدمہ درج کیا۔
سی سی پی او لاہور نے شکایت موصول ہونے پر سی آئی اے کو انکوائری کا حکم دے دیا ہے ، سی آئی اے پولیس صغیر میتلا کی گرفتاری کیلئے چھاپے مار رہی ہے۔