The news is by your side.

Advertisement

نامعلوم افراد کی فائرنگ سے ایس ایچ او تھانہ شاد باغ جاں بحق

لاہور :نامعلوم موٹرسائیکل سواروں نے فائرنگ کرکے ایس ایچ او کو قتل کردیا، تفصیلات کے مطابق لاہورمیں تھانیدار تجمل حسین بٹ کو گولیاں مارکرقتل کردیاگیا۔

پولیس کے مطابق تجمل حسین بٹ تھانہ شاد باغ میں ایس ایچ اوتھے۔ وہ اپنی گاڑی میں دو ساتھیوں کے ساتھ ڈیفنس فیز سیون آئے تودو موٹرسائیکل سواروں نے ان پر فائرنگ کردی۔

فائرنگ سے ایس ایچ او شادباغ موقع پر ہی جاں بحق ہوگئے جبکہ دو ساتھیوں کو خراش تک نہ آئی۔ ملزمان واردات کے بعد با آسانی فرار ہونے میں کامیاب ہو گئے۔

تفتیش کےلئے پولیس نے مذکورہ دونوں ساتھیوں کو حراست میں لے لیا۔ پولیس نے علاقے کو گھیرے میں لیتے ہوئے ڈاکوﺅں کی تلاش شروع کر دی، پولیس ٹارگٹ کلنگ ،ذاتی دشمنی اور ڈکیتی کے پہلوؤں پر تفتیش کررہی ہے۔

Comments

comments

یہ بھی پڑھیں