قومی ٹیم کے سابق کپتان شاہد آفریدی اور شعیب اختر کی دلچسپ ویڈیو سوشل میڈیا پر وائرل ہوگئی۔
تفصیلات کے مطابق قومی ٹیم کے سابق فاسٹ بولر شعیب اختر نے سماجی رابطے کی ویب سائٹ ٹویٹر پر ویڈیو شیئر کی جس میں وہ مزاحیہ انداز میں بتارہے ہیں کہ انہیں شاہد آفریدی سے کون کون سے مسائل ہیں۔
شعیب اختر نے دلچسپ انداز میں کہا کہ ایک مسئلہ تو یہ ہے کہ آفریدی مجھ سے بھی زیادہ برے نظر آتے ہیں۔
انہوں نے کہا کہ انہیں شاہد آفریدی سے جو مسئلہ ہے وہ یہ کہ یہ مجھ سے بھی زیادہ دور تک شاٹ مارنے کی صلاحیت رکھتے ہیں۔
شعیب اختر کا کہنا تھا کہ ایک مسئلہ یہ بھی ہے کہ شاہد آفریدی ان سے زیادہ مشہور ہیں۔
Buhut Shukria Shoaibi! Aapke mun se itna sara sach buhut acha laga 😂 And great to see you my friend, you look fit hope your knees continue to support you 🙂 https://t.co/iduSTaRUNB
— Shahid Afridi (@SAfridiOfficial) November 16, 2021
راولپنڈی ایکسپریس نے مزید کہا کہ انہیں شاہد آفریدی کے بالوں سے بھی مسئلہ ہے کیونکہ ان کے بال مجھ سے زیادہ ہیں۔
شعیب اختر کے یہ کہنے پر وہاں موجود شاہد آفریدی اور دیگر لوگ بھی مسکراتے رہے۔
راولپنڈی ایکسپریس کی پوسٹ کو شاہد آفریدی سے ری ٹویٹ کرتے ہوئے لکھا کہ ’بہت شکریہ شعیب، آپ کے منہ سے اتنا سارا سچ بہت اچھا لگا، اور آپ کو فٹ دیکھ کر بھی بہت اچھا لگا۔
سوشل میڈیا صارفین کی جانب سے شعیب اختر اور شاہد آفریدی کی ویڈیو کو پسند کیا جارہا ہے اور اس پر تبصرے بھی کیے جارہے ہیں۔